“Barbie” filminin rejissoru Qreta Qerviq pərəstişkarlarının dünyanın ən məşhur oyuncağının hekayəsinin davamını gözləməli olub-olmaması haqda danışıb.

Bizimyol.info xəbər verir ki, Qerviqin "The New York Times"a verdiyi məlumata görə, indi o, hər şeyi deyib və eyniadlı "Mattel" oyuncağı əsasında fantastik-komediya filminin ikinci hissəsini çəkmək fikrində deyil.

"Hələlik əlimdə olan budur. Hər filmin sonunda heç vaxt başqa ideyam olmayacaq kimi hiss edirəm və indiyə qədər etmək istədiyim hər şeyi etmişəm. Heç kimin xəyalını məhv etmək istəməzdim, amma indi bu barədə heç bir yeni ideyam və ya əlimdə hər hansı material yoxdur”, - Qreta etiraf edib.

Bundan əlavə, Varietynin məlumatına görə, "Mattel" rəhbərliyi bir çox oyuncaq dünyalarını böyük ekranlara köçürmək niyyətindədir. Xüsusilə də, söhbət “Emily in Paris” serialının ulduzu Lili Kollinz rolunu oynamağa çağırılan Pocket Pollydən gedir.

"Mattel Films"in rəhbəri Robbi Brenner artıq rejissor kimi də fəaliyyət göstərəcək Lena Danem tərəfindən yazılmış ssenarinin olduğunu təsdiqləyib.

Hələlik süjet təfərrüatları yoxdur, lakin şirkətin baş direktoru İnon Kreizin sözlərinə görə, "Warner Bros"də artıq yeni hekayə hazırlamağa başlayıblar.

Qeyd edək ki, hazırda ən çox  tələb olunan “Barbie” filmi dünyanın bütün ölkələrində nümaiş etdirilir.

Qadir, Bizimyol.info