"Ukraynada ali təhsili olmayan, lakin döyüş təcrübəsi olan çavuşlar zabit vəzifələrini tuta biləcəklər".

Bizimyol.info xəbər verir ki, bu barədə Müdafiə Nazirliyinin Kadrlar Siyasəti İdarəsinin Hərbi Kadrlar Siyasəti İdarəsinin rəis müavini, polkovnik Sergey Litovçenko brifinqdə bildirib.

O qeyd edib ki, intensiv müharibə şəraitində Ukrayna Silahlı Qüvvələrinin kiçik zabitlər postlarının komplektləşdirilməsinə ehtiyac xeyli artıb.

Litovçenko bildirib ki, hazırda kiçik zabitlərin əsas vəzifələrini ilk növbədə ali hərbi təhsil müəssisələrinin məzunları, ehtiyatda olan zabitlər, çavuşlar və ali təhsilli komandirlər tuturlar.

Amma indi müəyyən sayda ali təhsili olmayan, müvafiq hərbi hazırlıq kursunu bitirməmiş çavuş və briqadalar zabit kimi hərbi xidmətdədirlər. Bununla belə, Litovçenko qeyd edib ki, bu hərbçilər mühüm döyüş təcrübəsi əldə ediblər və bu vəzifələrdə öz xidməti vəzifələrini uğurla yerinə yetirirlər.

“Dövlətimizə yeni qələbələr qazanmağa, işğal olunmuş torpaqları azad etməyə imkan verən motivasiyalı və təcrübəli kadrlardır. Biz onlara güvənir, bu müddət ərzində qazandıqları döyüş təcrübələrinin onlara bu vəzifələri daşımaqda kifayət edəcəyinə inanırıq. Elə çavuşlar var ki, bu bir ildən artıq davam edən işğala qarşı mübarizədə böyük hərbi məktəb keçmiş qədər təcrübə toplayıblar. Onlar kiçik zabit vəzifələrini laiqincə bacarır", - Litovçenko deyib.

Hərbi vəziyyət dövründə kiçik zabitlərin əsas vəzifələrinin ştat cədvəlini artırmaq üçün martın 20-də Ali Rada müvafiq qanun qəbul edib və imzalanması üçün prezident Vladimir Zelenskiyə göndərilib.

Qadir, Bizimyol.info