Rusiyanın xarici işlər naziri Sergey Lavrov “Rossiya 24” telekanalına və “RİA Novosti”-yə müsahibə verib.

Bizimyol.info xəbər verir ki, Rusiya XİN rəhbəri açıqlaması zamanı bildirib ki, Qərb inkişaf etməkdə olan ölkələrin neytrallığına hörmət etmir. Bundan əlavə, o, Rusiya ətrafındakı ölkələrdən hansının Ukraynanın yolu ilə gedə biləcəyi sualına cavab verərkən deyib ki, Qərb Moldovanı növbəti Ukrayna rolunda “gözləyir”.

“Əvvəla, ona görə ki, onlar kifayət qədər spesifik üsullarla ölkənin başına azad, demokratiklikdən uzaq, sadəcə olaraq, NATO-ya qoşulmağa can atan, Rumıniya vətəndaşlığı olan bir şəxsi prezident (Maia Sandu - red.) qoya bildilər. O, Rumıniya ilə birləşməyə hazırdır",- deyə Sergey Lavrov əlavə edib.

Bundan əlavə, Rusiya Xarici İşlər Nazirliyinin rəhbəri qeyd edib ki, Qərb inkişaf etməkdə olan ölkələrin neytrallığına hörmət etmir, demək olar ki, hər gün Rusiya Federasiyasına qarşı sanksiyalara hələ də qoşulmayanlara təzyiq göstərir.

Onun sözlərinə görə, Qərbdə Gürcüstanı Rusiya üçün qıcıqlandırıcıya çevirmək, bu ölkəni “Saakaşvili dövrünə” qaytarmaq istəyirlər. O qeyd edib ki, Gürcüstanda təntənəli funksiyaları yerinə yetirən prezidentlə yanaşı, onun rəhbəri görünməmiş təzyiqlərə cavab olaraq ölkəsinin yalnız milli maraqları rəhbər tutacağını bəyan edən hökumət var.

Leyla Mirzə