Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Dövlət Gömrük Komitəsinin sədri Türkiyəli həmkarı ilə görüşüb
Dövlət Gömrük Komitəsinin sədri Türkiyəli həmkarı ilə görüşüb

Oktyabrın 7-də İzmir şəhərində Azərbaycan Respublikası Dövlət Gömrük Komitəsinin sədri, gömrük xidməti general-polkovniki Səfər Mehdiyev və Türkiyə Respublikası Ticarət nazirinin müavini, Gömrük Administrasiyasının rəhbəri Rıza Tuna Turaqay arasında görüş keçirilib.

Görüş Dövlət Gömrük Komitəsinin sədri Səfər Mehdiyevin rəhbərliyi ilə Azərbaycan nümayəndə heyətinin Türkiyəyə işğüzar səfəri çərçivəsində baş tutub.

Türkiyə Respublikası Ticarət nazirinin müavini, Gömrük Administrasiyasının rəhbəri Rıza Tuna Turaqay Azərbaycan və Türkiyə arasında iqtisadi, siyasi, mədəni əlaqələrin hazırkı durumunu yüksək qiymətləndirib, bu əlaqələrin daha da dərinləşdirilməsi üçün geniş imkanların olduğunu bildirib.

İqtisadi əlaqələrdə gömrük orqanlarının da üzərinə mühüm vəzifələrin düşdüyünü qeyd edən Rıza Tuna Turaqay iki ölkənin uyğun qurumları arasında qarşılıqlı əməkdaşlığın daha da möhkəmləndirilməsinin perspektivlərindən bəhs edib.

Rıza Tuna Turaqay Vətən müharibəsində qazanılan qələbə münasibətilə Azərbaycan xalqına təbriklərini çatdırıb.

Dövlət Gömrük Komitəsinin sədri Səfər Mehdiyev Türkiyə ilə Azərbaycan arasında tarixi ənənələrə söykənən strateji tərəfdaşlıq münasibətlərindən məmnunluqla bəhs edib, iki ölkənin dövlət başçılarının apardığı məqsədyönlü siyasətin bütün sahələrdə əlaqələrin güclənməsində mühüm rol oynadığını bildirib.

44 günlük Vətən müharibəsi zamanı Azərbaycanın haqq işinə dəstəyə görə Türkiyə dövlətinə və xalqına minnətdarlığını bildirən Səfər Mehdiyev bu gün Türkiyə-Azərbaycan dostluğunun, qardaşlığınin ən yüksək zirvədə olduğunu vurğulayıb. Komitə sədri bu əməkdaşlığın sadəcə iki ölkənin xalqlarının deyil, eyni zamanda, region ölkələrinin rifahının yüksəldilməsində, sülhün bərpasında mühüm rol oynadığını diqqətə çatdırıb.

Səfər Mehdiyev Azərbaycan Prezidenti İlham Əliyevin rəhbərliyi ilə ölkədə hər bir sahədə olduğu kimi, iqtisadiyyatda da əldə olunan nailiyyətlər, o cümlədən gömrük xidmətində tətbiq edilən yeniliklər barədə məlumat verib.

Sonra görüşdə qarşılıqlı maraq doğuran məsələlər barədə fikir mübadiləsi aparılıb.

DGK Mətbuat və İctimaiyyətlə Əlaqələr İdarəsi

Paylaş »
››› Bal bazarındakı acı gerçəklər - Fotolar
››› Türkiyədə dollar dayanmaq bilmir: Rekord ardınca rekord gəlir
››› Tarixi yenidən yazan fakt ortaya çıxdı: Amerikanı Kolumb kəşf etməyib
››› "Qarşımdan qara pişik keçdi", "gecə saç darama", "sağ ovucum qaşınır"... - Doğrular və yalanlar
››› Məşhur azərbaycanlı iş adamı adını dəyişdi
››› Təbii qaz faktoru - İranın şıltaqlıqlarının daha bir səbəbi
››› İran prezidenti: Xarici qüvvələr qonşularımızla münasibətlərimizi pozmaq istəyir
Son xəbərlər
Bütün xəbərlər »