Klaydio de Oliveyra dünyaya baş – ayaq baxır. Sözün həqiqi mənasında.

Düz 37 il əvvəl o dünyaya gələndə həkimlər onun çox yaşamayacağını düşünmüşdülər.

Oğlanın başı və ayaqları geriyə çevrilmiş vəziyyətdə idi. O Braziliyanın Monti- Santi şəhərində yaşayır. Həkimlər bu nadir diaqnozu artoqripoz adlandırırlar. Yer üzündə yalnız 2-3 faiz insanda rast gəlinir.

“Bütün ömrümü normal insan olduğumu sübut etməyə həsr etdim. Mən qüsurlu bədənimi ətraf aləmə adaptasiya etməyə çalışdım”,- deyən 37 yaşlı gənc başı 180 dərəcə geriyə çevrilmiş halda olsa da, işləməyən əl və ayaqlarına rəğmən işləmək, ailəsinə yük olmaq istəmir. İndi o özünün baş- ayaq taleyi barədə kitab yazmağa başlayıb.