İsraildə keçirilən “Eurovision-2019” mahnı müsabiqəsi başa çatıb.

Bizimyol.info xəbər verir ki, səsvermənin nəticələrinə görə, Niderland təmsilçisi Dunkan Lourens "Arcade" mahnısı ilə yarışmanın birincisi olub. İtaliya müsabiqənin ikincisi, Rusiya isə üçüncüsü olub.

Azərbaycan təmsilçisi Çingiz Mustafayev “Eurovision-2019” mahnı müsabiqəsində 7-ci yerə çıxıb.

Çingiz Mustafayev

Qeyd edək ki, finalda 26 ölkədən olan ifaçı mübarizə aparıb. Azərbaycan təmsilçisi Portuqaliya, Malta, Şimali Makedoniya, San-Marino, Estoniya, Polşa, Norveç, İspaniya, Avstriya, Böyük Britaniya, İtaliya, Albaniya, Macarıstan, Moldova, İrlandiya, Rumıniya, Kipr, Avstraliya, Rusiya, İsveç, Litva, Serbiya, İslandiya, Gürcüstan, Yunanıstan, Latviya, Çexiya, Danimarka, Fransa, Finlandiya, Sloveniya və İsrail ölkələrindən dəstək alıb.