Qəhvəni sümük suyu ilə əvəz etməyə qərar verən Stefan Ekelkemp bir həftə sonra özündə kəskin dəyişikliklər müşahidə edib.

Bizimyol.info Publika.az-a istinadən xəbər verir ki, Stefan Ekelkemp əvvəllər yuxudan ayılmaq üçün hər gün bir fincan qəhvə içib. O, qəhvənin ona enerji verdiyini və sakitləşdirdiyini düşünüb. Lakin qəhvədən asılı olduğunu görən Stefan qəhvə yerinə sümük suyu içməyə başlayıb.

O, öz üzərində maraqlı təcrübə aparıb və sümük suyu içdikdən bir həftə sonra bədənində kəskin dəyişiklikləri müşahidə edib. Qız baş verən dəyişikliyi sosial şəbəkədə paylaşıb.

Onun sözlərinə görə, qəhvədən fərqli olaraq sümük suyu içdikdən sonra özünü daha sakit və enerjili hiss edib. Həddən artıq qəhvənin onu gərgin əsəbi etdiyini bildirən gənc qadın sümük suyunun həm onun müvazinətini artırdığını, həm də rahatlaşdırdığını bildirib.

Günorta qəhvəsini sümük suyuna dəyişən qız əlavə edib ki, bu eksperiment zamanı zərərli şirniyyat istəyi də kəskin şəkildə azalıb. Sümük suyu toxluq hissi verdiyi üçün o, çox gec-gec acıb. Qız etiraf edib ki, acdığı zaman sümük suyuna bir qədər zeytun yağı, sarımsaq, istiot və duz əlavə edərək qidalanıb.