Almaniya kansleri Olaf Şolz deyib ki, Ukraynadakı müharibə “qısa olmayacaq” və Qərb Ukraynanı uzun müddət silahlandırmalı olacaq.

Bizimyol.info xəbər verir ki, bu barədə o, "TAZ"a müsahibəsində bildirib.

“Mən həmişə demişəm ki, Rusiya bu müharibədə qalib gəlməməlidir. Və tez bir zamanda aydın oldu ki, bu qısa bir müharibə olmayacaq. Biz uzun müddət Ukraynaya silah və sursat tədarük etməli olacağıq”, deyə kansler bildirib.

Eyni zamanda, Ukraynada müharibənin nə vaxt bitə biləcəyi sualına cavab verən Şolz: "Hazırda bu suala heç kimin dəqiq cavab verə bilməyəcək", - söyləyərək, Almaniyanın "lazım olduğu qədər" Ukraynanı dəstəkləyəcəyini vurğuladı. Ukraynanın qələbə strategiyasının nə olduğu sualına kansler, “Putinin bu müharibədə qalib gəlməsinin qarşısını almaq”, deyə cavabını verib.

Vladimir Putinlə dialoqun mümkünlüyünü şərh edən Şolz onunla sonuncu dəfə 2022-ci ilin dekabrında telefonla danışdığını, lakin gələcəkdə “vaxtı gələndə” Putinlə dialoqu istisna etməyib: “Fərq edə biləcəyinizi hiss etdiyiniz zaman bu söhbətlərin olması faydalıdır. Hazırda Rusiya müharibəsi bunun əleyhini göstərir. Keçmişdə mənim Putinlə bir neçə söhbətim olub, onlara bəzən tənqidi yanaşılıb. Və gələcəkdə müzakirələrin aparılacağını istisna etmirəm”, - deyə Şolz qeyd etdi.

O, belə bir söhbətin “Rusiya sülhün bərqərar olmayacağını başa düşəndə, Putin isə kampaniyanı tərk edib qoşunlarını geri çəkməli olduğunu başa düşəndə” baş tuta biləcəyini açıqlayıb.

Almaniya bu yaxınlarda Ukraynaya yeni hərbi yardım paketi elan edib. Xüsusilə Ukrayna Silahlı Qüvvələri minaaxtaran maşınlar, pilotsuz təyyarələr, tüfənglər və 6 min 155 mm çaplı mərmilər alıb.

Eyni zamanda, "BILD" Almaniyanın Ukraynaya hərbi yardımının alman hakimiyyətinin iddia etdiyindən qat-qat az olduğunu yazıb. Kiyevə hərbi yardım üçün vəd edilən 6 milyard avronun bir hissəsi digər ölkələrə və Bundesverin yenidən silahlanmasına gedəcək. Və bu yaxınlarda 30 alman deputat Berlindən Ukraynaya silah tədarükünü dayandırmağı tələb edən açıq məktub dərc etdikdən sonra ölkədə qalmaqal yaranıb.

Qadir, Bizimyol.info