Məlum olub ki, "Microsoft" şirkəti üçün çox həssas məlumatları ehtiva edən serveri müdafiəsiz qoyub.

Bizimyol.info "webtekno"ya istinadən xəbər verir ki, hazırda süni intellektə diqqət yetirən "Microsoft" "Copilot"u tam sürətlə davam etdirir və bu texnologiyanı özünün köklü tətbiqlərinə əlavə edir. Təbii ki, bunu edərkən şirkət təklif etdiyi bütün xidmətləri səmərəli və təhlükəsiz saxlamağa çalışır. Burada təhlükəsizlik sözünü dırnaq işarəsi içərisində yazmaq doğru olar.

Hər ay təhlükəsizlik yeniləmələri ilə bizi narahat edən "Microsoft" indi maraqlı bir təhlükəsizlik zəifliyi ilə qarşınızdadır. "Techcrunch"ın məlumatına görə, şirkət əməkdaşların məlumatlarını, parollarını və açarlarını parolla qorunmayan serverdə qoyub. Vəziyyətdən xəbərdar olduqdan sonra şirkət dərhal serveri bağlayıb.

Əhəmiyyətli məlumat sızması mövcud xidmətlərə təhlükə yarada bilər

"Techcrunch"a danışan SOCRadar tədqiqatçıları aşkar ediblər ki, "Bing" axtarış sistemi üçün həssas məlumatları ehtiva edən "Azure" server parolı mühafizəsi olmadan ortada qalıb. Bu o deməkdir ki, internetdə olan hər kəs, o cümlədən siz fayllara daxil ola bilərsiniz. Sözügedən server "Microsoft" işçilərinə şirkət sistemlərinə daxil olmaq imkanı verən məxfi məlumatlardan ibarətdir.

Tədqiqatçılar, sözügedən məlumatlardan istifadə etməklə daha dərinə dalmağın mümkün olduğunu və bu kontekstdə böyük miqyaslı məlumat sızmalarının baş verə biləcəyini bildiriblər. Bu, hazırda işləyən "Microsoft" xidmətlərini dayandıra bilər. Sözügedən tədqiqatçılar məsələni "Microsoft"a çatdırdıqda şirkət dərhal serveri bağlayıb.

Lakin bu proses başa çatana qədər kiminsə bu məlumatı əldə edib-etmədiyi məlum deyil. Ötən illərdə müxtəlif kiberhücumlara məruz qalan şirkətin bu hadisədən zərər görüb-görməyəcəyini gələcəkdə görəcəyik. Amma indiki mərhələdə belə "Microsoft" ölçüsündə bir şirkət üçün bunun kifayət qədər maraqlı olduğunu söyləmək səhv olmaz.

Qadir, Bizimyol.info