Birləşmiş Ştatlar Yaxın Şərq dövlətlərindən İsraillə gərginliyi azaltmaq çağırışını İrana çatdırmağı xahiş edib.

Bizimyol.info xəbər verir ki, bu barədə “Reuters” mənbəyə istinadən məlumat yayıb.

Məlumat verən mənbənin sözlərinə görə, Ağ Ev Milli Təhlükəsizlik Şurasının (MTŞ) Yaxın Şərq və Şimali Afrika üzrə koordinatoru Brett Makqurk İsrailin Dəməşqdəki konsulluğuna hücumdan sonra Səudiyyə Ərəbistanı, Birləşmiş Ərəb Əmirlikləri, Qətər və İraqın xarici işlər nazirlərindən İrana “təcili olaraq gərginliyi azaltmaq çağırışı”nı çatdırmağı xahiş edib. Agentliyin mənbəsi qeyd edib ki, Ağ Evin MTŞ nümayəndəsinin danışdığı xarici işlər orqanlarının rəhbərləri onun xahişini yerinə yetiriblər.

Agentliyin vurğuladığı kimi, çərşənbə günü İslam Respublikasının Xarici İşlər Nazirliyi xəbər verib ki, İranın xarici işlər naziri Hüseyn Əmir Abdullahyan Səudiyyə Ərəbistanı, BƏƏ, Qətər və İraqın xarici işlər nazirləri ilə telefon danışığı keçirib və onlar regional gərginliyi müzakirə ediblər.

Bu barədə çərşənbə günü ABŞ prezidenti Co Bayden Yaponiyanın baş naziri Fumio Kişida ilə danışıqlardan sonra keçirdiyi mətbuat konfransında, ABŞ İsrailin Dəməşqdəki konsulluğuna hücumdan sonra, İranın hazırkı xəbərdarlıqları fonunda yəhudi dövlətini qorumaq üçün hər şeyi edəcəyini bildirib.

Çərşənbə günü İsrailin müdafiə naziri Yoav Qalant ona hücum edən istənilən dövlətin ərazisinə “çox tez” cavab verəcəyini vəd edib.

Qadir, Bizimyol.info