"İsrail radikal Həmas hərəkatının bütün batalyonlarını, o cümlədən Qəzza zolağının cənubunda, Misirlə sərhəddə yerləşən Rəfah şəhərində olan güvvələrini məhv edilməsini başa çatdıracaq".

Bizimyol.info xəbər verir ki, bu sözləri Yəhudi Dövlətinin Baş naziri Benyamin Netanyahu deyib və o qeyd edib ki, “dünyada buna mane ola biləcək heç bir qüvvə yoxdur”.

“Biz (İsrail) Rəfah da daxil olmaqla Həmas batalyonlarının ləğvini başa çatdıracağıq. Dünyada bizi dayandıra biləcək heç bir qüvvə yoxdur”, - deyə Netanyahu Tel Hashomer ordu bazasına səfəri zamanı deyib.

Baş nazirin iddialı çıxışı onun ofisi tərəfindən yayılıb.

Netanyahu qeyd edib ki, dünyada “bunu (Rəfəhdə quru əməliyyatının qarşısını almaq üçün) etməyə çalışan çoxlu qüvvələr var” və “bunun kömək etməyəcəyinə” əminliyini ifadə edib. “Bu düşmən (Həmas) heç vaxt onun etdiklərini təkrar etməyəcək”, - deyə baş nazir bildirib. Ofis qeyd edib ki, o, bazada İsrail Müdafiə Qüvvələrinin yeni əsgərləri ilə görüşüb.

Netanyahu aprelin 8-də bildirib ki, Rəfah əməliyyatının başlama tarixi artıq müəyyən edilib, lakin bunu açıqlamayıb. Bir gün əvvəl İsrail ordusu Qəzza zolağının cənubundakı Xan Yunis qəsəbəsindən 98-ci briqadanı geri çəkib. Müdafiə naziri Yoav Qalantin qeyd etdiyi kimi, qoşunların Xan Yunisdən çıxarılması bu şəhərdə Həmas hərbi strukturunun məhv edilməsi üzrə tapşırıqların icrası ilə bağlıdır. Nazir əlavə edib ki, hərbçilər Rəfah da daxil olmaqla, yeni vəzifələrə hazırlaşmağa davam edir.

2023-cü il oktyabrın 7-də Qəzza zolağından radikal Həmas hərəkatının yaraqlılarının İsrail ərazisinə soxulmasından, o cümlədən uşaqları, qadınları və qocaları girov götürdükdə sonra Yaxın Şərqdə vəziyyət kəskin şəkildə pisləşib.

Buna cavab olaraq İsrail Qəzzanı tam blokada elan edib və Livan və Suriyanın zolağına və müəyyən ərazilərinə zərbələr endirməyə başlayıb, bundan sonra anklavda quru əməliyyatına başlayıb. İordan çayının qərb sahilində də toqquşmalar baş verir.

Qadir, Bizimyol.info