Şimali Kipr Türk Cumhuriyətinin (ŞKTC) Kənd Təsərrüfatı və Təbii Sərvətlər Nazirliyi Azərbaycanın Quba şəhərində keçirilən “3-cü Kənd Təsərrüfatı Müəssisələri Forumu”nda təmsil olunub.

Bizimyol.info xəbər verir ki, nazirlikdən verilən məlumata görə, Azərbaycan Respublikası Kənd Təsərrüfatı Nazirliyi və Birləşmiş Millətlər Təşkilatının Ərzaq və Kənd Təsərrüfatı Təşkilatının (FAO) Azərbaycan nümayəndəliyinin birgə təşkilatçılığı ilə keçirilən Forumda Kənd Təsərrüfatı və Təbii Sərvətlər Nazirliyinin direktoru, Reşat Değirmenci, "Kiprdə kooperativlərin keçmişi, bu günü və kooperativlərdə qadınların əhəmiyyəti" mövzularında məlumat verib.

Forum beynəlxalq və yerli təcrübələri müzakirə etmək üçün maraqlı tərəfləri bir araya gətirir, diqqəti iqlimə davamlılıq, yaşıl maliyyə mənbələri, subsidiyalaşdırılmış kənd təsərrüfatı maliyyələşdirməsi, özəl sektorun maliyyələşdirilməsinə əsaslanan dövlət-özəl sektor tərəfdaşlığı və hökumət risklərinin azaldılması vasitələrinə yönəldir. Kənd təsərrüfatı sektoru ilə bağlı imkanları və problemləri əhatə edən bir çox kritik mövzular, məsələn, kənd təsərrüfatı sektorunun artımında kənd təsərrüfatı kooperativlərinin rolu müzakirə edilib.

Bizimyol.info