Vaşinqton və Tokio Yaponiyadakı gəmiqayırma zavodlarında ABŞ Hərbi Dəniz Qüvvələrinin hərbi gəmilərinin təmiri və saxlanması barədə razılığa gələcəklər.

Bizimyol.info xəbər verir ki, "Nikkei" qəzetinin məlumatına görə, müvafiq razılaşma aprelin 10-da Vaşinqtonda ABŞ prezidenti Co Bayden və Yaponiyanın baş naziri Fumio Kişida arasında keçiriləcək görüş zamanı rəsmiləşdiriləcək.

“Yaponiyanın baş naziri Fumio Kişida və ABŞ prezidenti Co Bayden aprelin 10-da keçiriləcək görüşdə bu barədə razılığa gələcəklər”, - deyə qəzet xəbər verir.

Hazırda ABŞ Hərbi Dəniz Qüvvələrinin döyüş gəmiləri təmir üçün ABŞ-dakı tərsanələrə göndərilir. Yaponiyada yalnız dəstək və nəqliyyat gəmilərinə xidmət göstərilir. Bu, logistik çətinlikləri və xərcləri artırır, eləcə də Şərqi Asiyada ABŞ qüvvələrinin hazırlığını, hərəkətliliyini azaldır. Tokio, öz növbəsində, Amerika gəmilərinin təmiri ilə bağlı razılaşmanı alqışlayır, çünki bu, yerli gəmiqayırma sənayesi üçün gəliri artıracaq.

Yaponiya məsuliyyət zonasına Sakit Okeanın qərbi və şərqi Hind Okeanlarını daxil edən ABŞ-ın 7-ci Donanmasının evidir. Regionda olan ABŞ hərbi donanmasının əsas qalası Tokio körfəzinin girişində yerləşən Yokosuka bazasıdır. 7-ci Donanma ABŞ Hərbi Dəniz Qüvvələrinin ən böyüyüdür və xüsusilə Ronald Reyqan nüvə təyyarədaşıyan gəmisinin başçılıq etdiyi yerüstü və sualtı gəmilərin zərbə qrupunu əhatə edir.

Qadir, Bizimyol.info