Qaqauzun rəhbəri Yevgeniya Hutsul məhkəmə vasitəsilə Moldova prezidenti Maya Sandunun muxtariyyət və onun lideri haqqında təhqiramiz ifadələrinə görə ictimaiyyət qarşısında üzr istəməsini tələb edib.

Bizimyol.info xəbər verir ki, bu barədə Hutsul "Telegram" kanalında yazıb.

“Bu gün mən məhkəməyə vətəndaş Sanduya qarşı şərəf və ləyaqətin qorunması ilə bağlı ilkin ərizə verdim. Biz onun ictimaiyyətdən üzr istəməsini və geri çəkilməsini tələb edirik. Bütün vətəndaşların qanun qarşısında bərabərliyi qanunun aliliyinin əsas prinsipidir. Demokratik cəmiyyətdə heç kəsə (hətta prezidentə də!) icazə verilmir ki, başqa bir vətəndaşı təhqir edib, onun reputasiyasını ləkələsin”, - deyə Muxtar Respublika rəhbəri bildirib.

O xatırladıb ki, Qaqauzun yüksək vəzifəli şəxslərinə qarşı davamlı təhqirlər və əsassız ittihamlar artıq Maya Sandunun ictimai çıxışlarının tərkib elementinə çevrilib, o, bir gün əvvəl keçirdiyi mətbuat konfransında Hutsulu dövlət başçısı təyin edən fərmanı imzalamayacağını, çünki o, "cinayətkar qruplaşma üçün işləyir" deyib.

Qaqauz Muxtar Respublikasının başçısı seçkilərindən sonra Sandu səsvermənin çoxsaylı pozuntularla keçdiyini bildirib. Moldova polisi muxtariyyətin Mərkəzi Seçki Komissiyasından seçici siyahılarını və digər sənədləri ələ keçirib, seçki kampaniyasının qanunsuz maliyyələşdirilməsi və "Şor" partiyası tərəfindən seçicilərə rüşvət verilməsi faktları ilə bağlı cinayət işi açıb. Mərkəzi hakimiyyətin hərəkətləri ictimaiyyətin və müxalifətin hiddətinə səbəb olub. Muxtariyyət Xalq Məclisinin deputatları yekdilliklə Mərkəzi Seçki Komissiyasının fövqəladə iclasda Hutsulun seçilməsi qərarını dəstəkləyib və Kişinyovun müdaxiləsini pisləyən bütün səviyyəli deputatların qurultayı keçirilib.

2023-cü il iyulun 19-da Moldova rəhbərliyinə məhəl qoymayan Hutsulun inauqurasiyası baş tutub. Hutsula görə, Sandu və Moldova hakimiyyətinin digər nümayəndələri qaqauzları ona görə cəzalandırırlar ki, Moldova rəhbərliyindən fərqli olaraq, onlar Rusiyanı düşmən hesab etmək istəmirlər.

19 avqust 1990-cı ildə Qaqauz Respublikasının elan edilməsi münaqişə ilə nəticələndi, Kişinyov bunu güc yolu ilə həll etməyə çalışdı, lakin sovet qoşunları qan tökülməsinin qarşısını alıb. Sonra Kişinyov və Komrat nümayəndələri danışıqlar masası arxasına əyləşdilər və 1994-cü ilin dekabrında Moldova parlamenti Qaqauz muxtariyyətin xüsusi statusu haqqında qanun qəbul edib.

Qadir, Bizimyol.info