Şimali Kipr Türk Respublikasının xarici işlər naziri Tahsin Ərtoğruloğlu: "Türkiyənin gücü həm də Kipr türklərinin gücüdür", - deyib.

Bizimyol.info xəbər verir ki, Tahsin Ərtoğruloğlu Türkiyənin milli döyüş təyyarəsi “KAAN”ın ilk uçuşunu uğurla başa vurması münasibətilə mesaj yayımlayıb.

Ertuğruloğlu mesajında: “Biz fəxr edirik ki, qarantımız, vətənimiz Türkiyənin milli döyüş təyyarəsi “KAAN” ilk uçuşunu uğurla başa vurdu. Atatürkün “Gələcək səmalardadır” devizi ilə başladığı və Prezident Ərdoğanın qətiyyəti ilə həyata keçirilən Türkiyə aviasiya və müdafiə sənayesində əldə edilən bu tarixi uğur Türk Əsrinin qürurudur. Türkiyənin gücü həm də Kipr türklərinin gücüdür”, - deyə qeyd edib.

Qadir, Bizimyol.info