Türkiyəni kəşf etməyin ən yaxşı yollarından biri qatarla səyahət etməkdir. Son illərdə yeni xətlərin, o cümlədən sürət qatarlarının inkişafı və mövcud marşrutların yenilənməsi üçün geniş investisiyalar qoyulmuşdur. GoTürkiyə sizə Anadolunun xəzinələrini kəşf etmək üçün məşhurlaşan xüsusi dəmir yolu turları təqdim edir. Elə isə, Türkiyənin nostalji və müasir qatar səyahətlərini kəşf edək!

Sizə Türkiyəni qatarla kəşf etmək üçün 6 səbəb veririk

Təcrübə!

Qatarla səyahət hava və ya avtomobil yolu ilə səyahət etməkdən daha dolğun təcrübədir. Uzun qatar səfərləri düşünmək və meditasiya etmək üçün vaxt qazandırır. Bu səyahətlər inanılmaz dərəcədə mənzərəli ola bilər, şəhər, dağ və çayların mənzərəsində səyahətinizdən zövq alacaqsınız.

Fərqli istiqamətlər

Qatarla daha kiçik, daha az tanınan istiqamətləri də kəşf etmək mümkündür. Türkiyə dəmir yolu şəbəkəsi sizə kiçik şəhərlərə səyahət etməyə də imkan verir.

Nostalji

Seçdiyiniz istiqamətdən asılı olmayaraq qatarla səyahət etməkdə çox qəribə, nostaljik və romantik bir duyğu var.

Azadlıq və rahatlıq

Səyahətiniz zamanı təhlükəsizlik kəmərinə bağlı olmadan istədiyiniz qədər qatarda hərəkət etməkdə sərbəstsiniz.

Xərclər

Pula qənaət edin - Qatarla səyahət etmək sərfəli bir yoldur. Türkiyə Qatar Şəbəkəsində qatar səyahətinin qiyməti xüsusilə yaxşıdır.

Ekoloji təmizlik

Qatardan istifadə etmək CO2 emissiyasını təyyarə ilə müqayisədə 50% azalması deməkdir. Belə ki, səfərinizin iqlimə təsirindən narahatsınızsa, bilin ki, qatar səyahəti təyyarə və ya fərdi nəqloyyat vasitələrindən ekoloji olaraq daha üstün və təmizdir. Üstəlik, qatar stansiyalarının şəhər mərkəzində yerləşməsi səbəbi ilə şəhər mərkəzinə əlavə nəqliyyata da ehtiyac yoxdur.

Türkiyənin daxili qatar istiqamətlərini birlikdə kəşf edək

Türkiyə Dövlət Dəmir Yolları tərəfindən idarə olunan sərnişin qatarları ölkənin bütün istiqamətlərinə səyahəti asanlaşdırır, qət edilən məsafədə qatar sizə qar və gözəl mənzərələrlə səyahət etməklə unudulmaz təcrübə təqdim edir. Qatarla səyahət üçün pik mövsüm istiqamətindən asılı olaraq dəyişsə də, əsasən yay aylarına üstünlük verilir. Qış mövsümündə qatar daha çox yürüyüşçülər, fotoqraflar, alpinizm qrupları, universitet tələbələri kimi xüsusi maraq qrupları tərəfindən istifadə olunur.

Siz də Türkiyənin müxtəlif istiqamətlərini kəşf etmək üçün dəmir yollarına üstünlük verə bilərsiniz.