Süni intellekt tərəfindən dəstəklənən mətndən şəkilə generasiya vasitəsi olan "Midjourney"in xüsusi versiyası buraxılıb.

Bizimyol.info xəbər verir ki, gələn ilin əvvəlinə qədər istifadə edilə bilən "Midjourney V6 Alpha" ultra real görüntülər yarada bilir.

Bazarda ən məşhur süni intellektlə dəstəklənən mətndən-şəklə yaratma vasitəsi olan Midjourney təsirli bir yeniləmə ilə çıxdı. "Midjourney" komandası bir çox ölkədə başlayan Yeni il bayramı üçün xüsusi olaraq hazırladığı "Midjourney V6 Alpha" versiyasını təqdim edib. Nəfis görüntülər yarada bilən yeni versiya bayram dövrünün sonunda dayandırılacaq.

Rəsmi açıqlamaya görə, doqquz aydır üzərində işlənilən "Midjourney V6 Alpha" "Discord" vasitəsilə istifadə edilə bilər. Bu versiyanın gücündən tam istifadə etmək bəzi kodlar da var. "Midjourney V6 Alpha"da aparılan testlər süni intellektin həqiqətən görünməmiş yaxşı nəticələr verdiyini ortaya qoyur.

"Midjourney V6 Alpha" ilə yaradılmış şəkil:

Milyarder iş adamı İlon Mask üçün yaradılmış bir şəkil yaradılıb. Ultra-real görüntü sanki İlon Maskın özü tərəfindən çəkilib və redaktə edilib.

Başqa bir şəkildə Donald Tramp və Hillari Klintonun təsvir edilib. Bu görüntünün real olmadığına inanmaq həqiqətən çətindir.

Midjourney V6 Alpha-dan necə istifadə etmək olar?

• Addım №1: Burada tapılan linklə Discord-a Midjourney Bot əlavə edin.
• Addım №2: Discord-da Midjourney Bot-u açın və “/settings” əmrini daxil edin.
• Addım #3: V6 Alpha-ya yüksəldin.
• Addım №4: İstəklərinizi yazın və şəklin görünməsini gözləyin.

Əlbəttə, sizə xatırladaq ki, "Midjourney" pulsuz xidmət deyil. Süni intellekt tərəfindən dəstəklənən görüntü yaratmaq alətindən istifadə etmək istəyənlər aylıq və ya illik abunə paketləri almalıdırlar. Qiymətlər ayda 8 dollardan başlayır və 60 dollara qədər qalxır.

Qadir, Bizimyol.info