NASA alimləri bildiriblər ki, insanlar tərəfindən kəşf edilən UNO-ların yadplanetlilər mənşəli olduğu qənaətinə gəlmək üçün heç bir əsas yoxdur. Eyni zamanda onlar bildirib ki, qalaktika yalnız Günəş sistemi ilə məhdudlaşmadığından bu cür bəyanatları tamamilə rədd etmək də olmaz.
Bizimyol.info xəbər verir ki, "Sky News" verdiyi məlumata görə, bu barədə NASA-nın “Naməlum anomal hadisələrin müstəqil tədqiqi” adlı hesabatında deyilir.
"NASA-nın müstəqil tədqiqat qrupu UNO-ların yerdən kənar mənşəli olduğuna dair heç bir dəlil tapmayıb. Amma onların necə bir uçan naməlum obyek olduğunu da bilmirik", - deyə hesabatda bildirilir.
Həmçinin, elm adamları aşkar edilmiş UNO-ların kiçik bir qrupunu məlum təbii və ya süni hadisələr kimi təsnif edə bilməzlər. NASA Elm Missiya Müdirliyinin Administrator köməkçisi Nikola Foks qeyd edir ki, UNO-lar Yer kürəsinin "ən böyük sirləri" arasındadır və bu sirr yüksək keyfiyyətli məlumatların olmamasından qaynaqlanır.
"O qeyd edir ki, UNO-ların şahidlərinin ifadələri obyektlərin mənşəyinin araşdırılmasında istifadə edilə bilməz. NASA indi "vətəndaş hesabatını genişləndirmək" və UNO məlumatlarının keyfiyyətini yaxşılaşdırmaq üçün ictimai və kommersiya pilotları ilə işləmək istəyir", - deyə "Fox" yazıb.
“NASA-nın bir çox elmi missiyaları, ən azı qismən, Yerdən kənarda həyatın olub-olmaması sualına cavab verməyə yönəlib. Tədqiqat, ehtimal ki, Marsda və ya Yupiter və Saturnun ətrafında fırlanan buzlu peyklərdə bioimzaları axtarmaq missiyalarını əhatə edir", - hesabatda əlavə edilib.
36 səhifəlik hesabat NASA tərəfindən 2022-ci ildə UNO-ları araşdırmaq üçün bir araya gətirilən 16 alim və ekspertin tədqiqatının son nəticəsi idi. Hesabatın təqdimatı zamanı məlum olub ki, bir qrup ekspert ABŞ Kosmik Agentliyini “tanınmamış anomal fenomen” haqqında məlumat toplamaq üçün səyləri gücləndirməyə çağırıb.
Agentliyin məlumatına görə, yeni direktor əsas diqqətini “UNO-ların gələcəyini qiymətləndirmək üçün möhkəm məlumat bazası yaratmaq üçün mərkəzləşdirilmiş rabitə, resurslar və analitik imkanlara” yönəldəcək. "Səmada hava şarları, təyyarələr və ya məlum təbiət hadisələri kimi müəyyən edilə bilməyən obyektlərin müşahidələri bütün dünyada bildirilmişdir, lakin yüksək keyfiyyətli müşahidələr məhduddur", - deyə hesabatda qeyd edilir.
Qadir, Bizimyol.info
