Yoqa Hindistandan qədim bir ağıl-bədən təcrübəsini ehtiva edən yoqa, fərdlərin ümumi sağlamlığını və rifahını artıran bir meditasiya növüdür. Yoqa, bədəni və zehni məşq etdirərək, özünü inkişaf etdirməyin ən qədim üsullarından biridir.

Elmi araşdırmalar göstərir ki, yoqa ilə məşğul olan insanlar yoqa ilə özlərinə qayğı göstərir və stress səviyyələrini azaldırlar. Yoqa ilə məşğul olmaq kənardan göründüyü kimi elastiklik tələb edən bir məşq hesab olunur. Meditasiya ilə əlaqəsi varsa, hətta sizi qorxuda bilər, lakin yoqa darıxdırıcı bir məşq deyil.

Yoqanın həm insanların psixologiyasına, həm də bədəninə fayda verdiyi və alimlər tərəfindən çoxsaylı araşdırmalarla bizə köçürülmüş tədqiqatlar var.

Yoqa narahatlıq və depressiyanı azaldır

2019-cu ildə Honq-Konqda nevroloji klinika və reabilitasiya mərkəzində həkimlər tərəfindən aparılan elmi araşdırmalar nəticəsində müəyyən edilib ki, yoqa Parkinson xəstələrinin yaşadığı fiziki simptomlarla mübarizə aparmaq üçün təhlükəsiz və faydalı vasitədir. Tədqiqat 4 müxtəlif reabilitasiya mərkəzində ümumilikdə 138 xəstə ilə aparılıb. 8 həftə ərzində bir qrupa 90 dəqiqə yoqa, digər qrupa isə 60 dəqiqə dartma və müqavimət məşqləri verilib. Onlar dəyişiklikləri müşahidə etmək üçün 8 həftəlik proqram ərzində hər məşqdən sonra və proqram bitdikdən 20 həftə sonra yenidən xəstələri yoxladılar. Xülasə, araşdırma nəticəsində yoqa qrupunda dartma və müqavimət məşqləri qrupuna nisbətən narahatlıq və depressiya əlamətlərində əhəmiyyətli bir yaxşılaşma görülüb.

2011-ci ildə aparılan başqa bir araşdırmaya görə, yoqa ilə məşğul olanların tarazlığının yaşlılıqda artdığı müşahidə edilib. Yoqa hərəkətləri ilə onurğa müntəzəm olaraq əyildiyi və uzandığı üçün fəqərələr arasındakı disklərin xarab olmasının qarşısı alınır. Onurğa sağlam və gənc qalır.

Yoqa ilə məşğul olan qadınlar menstruasiya dövrlərini çox daha rahat və dinc keçirirlər. Klinik Təcrübədə Tamamlayıcı Müalicələrdə nəşr olunan bir araşdırmada, menstruasiya dövründə zehni və fiziki ölçülərdə hiss edilən simptomların yoqa ilə azaldıldığı müəyyən edilib.

Yoqa həm də yuxu keyfiyyətini yaxşılaşdırır

Lenfoma xəstələri üzərində sınaqdan keçirilən və yoqanın yuxuya təsirinin araşdırıldığı bir araşdırmada yuxu pozğunluğunun azaldığı, yuxu keyfiyyətinin və müddətinin yaxşılaşdığı, yuxu dərmanlarına ehtiyacın azaldığı müşahidə edilib.

Yoqa ilə hamiləlik prosesini daha sağlam keçə bilərsiniz

Yoqanın stresli hamilə qadınların stress idarəçiliyinə təsirini araşdırmaq üçün aparılan araşdırmada eksperimental qrupdakı 62 hamilə qadından 31-nə dörd həftə ərzində həftədə iki gün bir saatlıq yoqa məşqi verilib. İşin nəticələrində, yoqa təlimi verilən eksperimental qrupdakı hamilə qadınların stress səviyyələrinin əhəmiyyətli dərəcədə azaldığı və rahat hamiləlik prosesi keçirərək sağlam doğuşa hazır olduqları müəyyən edilib.

Oksford Universitetinin iki alimi (Migel Farias və Amy Bilderbeck) İngiltərədəki yeddi həbsxanada aparılan araşdırmadan sonra yoqa və meditasiyanın faydalarını aydın şəkildə gördüklərini deyirlər. Birinci qrup məhbuslar 10 həftəlik yoqa və meditasiya dərsinə qatılıb, digər qrup isə sadəcə sadə məşqlər edib. Tədqiqatçılar, sorğuların nəticələrinin yoqanın müsbət tərəflərinə işarə etdiyini, lakin ən mühüm göstəricinin məhbusların diqqətini və reaksiyasını ölçən kompüter testində olduğunu söyləyirlər.

Yoqa ilə narahatlıq səviyyənizi azaltmaq üçün bəzi praktik yoqa məsləhətləri:

• Həftədə ən azı iki dəfə bir saat yoga edin. 1 saat vaxt tapa bilməyəndə hər gün ən azı 10 dəqiqə etmək kifayətdir. Əsas odur ki, bədən hərəkət edir.
• Müxtəlif yoga üslublarını sınaya bilərsiniz. Yavaş və yumşaq məşq bəziləri üçün yaxşı olsa da (məsələn, bərpaedici, yin yoga), digərləri daha sıx hərəkətə (vinyasa, güc yoqa kimi) ehtiyac duya bilər.
• Yoqa ilə məşğul olacağınız yerin sizi rahatlamasına diqqət yetirin. Parlaq işıqlar və hərəkətli yüksək səsli musiqi bədənin büzülməsini artıra bilər.
• Nəfəs almağa diqqət yetirdiyinizə əmin olun, mövqe anında nəfəs almağı unutmayın. Sıxıldığınız və mübarizə apardığınız zaman nəfəs alın.
• Özünüzə vaxt verin. Yoqanın təsirini görmək üçün bir az vaxt lazımdır. Tədqiqatlar həftədə iki yoqa təcrübəsi ilə iki-üç ay ərzində müsbət inkişaf göstərdi. Hər halda, bu, müəyyən səbr tələb edən bir prosesdir.

Yoqa insanın özü ilə əlaqə saxlamasına kömək edir. Narahatlığın yaranmasına səbəb olan amillərdən biri (genetik deyilsə) insanın özü ilə əlaqəsinin kəsilməsidir.

İlahin, Bizimyol.info