"Kreml Belarus prezidenti Aleksandr Lukaşenkonun Ukraynada qoşunları yenidən toplamaq hüququ olmadan atəşkəs elan etmək təklifini dinləyib, lakin bu kontekstdə Rusiya Federasiyası üçün heç nə dəyişmir, müharibə davam edir".

Bizimyol.info xəbər verir ki, bu barədə cümə günü jurnalistlərə müsahibəsində Rusiya Federasiyası Prezidentinin mətbuat katibi Dmitri Peskov bildirib.

Dmitri Peskov

“Əlbəttə, biz Aleksandr Qriqoryeviçin bəyanatı ilə tanış olduq, əlbəttə ki, iki prezident - Putin və Lukaşenko gələn həftə əlaqə saxlamağı davam edəcək, Birlik Dövlətinin Ali Dövlət Şurasının iclası olacaq, bu da prezidentlərə bir daha bir-biri ilə ətraflı danışmaq imkanı verəcək, onlar bu mövzunu mütləq hərtərəfli müzakirə edəcəklər", - deyə Peskov bildirib.

Eyni zamanda Prezidentinin mətbuat katibi: "Ancaq Ukrayna kontekstində heç nə dəyişmir, hərbi əməliyyat davam edir, çünki bu, ölkəmizin bu gün qarşısında duran məqsədə çatması üçün bu, yeganə yoludur", - deyə vurğulayıb.

Cümə günü səhər saatlarında Belarus xalqına və parlamentinə müraciətlə çıxış edən Lukaşenka Ukraynada "hər iki tərəfdən qoşunların köçürülməsi, həmçinin yenidən qruplaşdırılması hüququ olmadan, silah və sursat, canlı qüvvə, eləcə də texnikanın ötürülməsi hüququ olmadan" atəşkəs elan etməyi təklif edib.

Lukaşenka əlavə edib ki, belə bir vəziyyətdə Qərb növbəti dəfə yaranmış vəziyyətdən istifadə edərək öz mövqelərini hiylə ilə möhkəmləndirməyə çalışsa, o zaman Rusiya hərbi sənaye kompleksinin və ordunun bütün gücündən istifadə edərək, münaqişənin gərginləşməsinin qarşısını almağa borcludur.

Qadir, Bizimyol.info