Misirin Hurqada kurortunda yerləşən "AMC Royal" otelində 40 nəfər rusiyalı turist zəhərlənib.

Bizimyol.info xəbər verir ki, bu barədə TASS-a ölkənin Turizm Palataları Federasiyasından məlumat verilib.

Verilən məlumata görə, zərərlənənlərdən dördü artıq xəstəxanadan buraxılıb. Qalan xəstələrin vəziyyəti qənaətbəxşdir, həyati təhlükəsi yoxdur. Həkimlər onların noyabrın 1-də buraxıla biləcəklərini bildiriblər.

Otel qeyri-müəyyən müddətə bağlanıb və bütün turistlər başqa otellərə yerləşdirilib.

“Prokurorluq “At-Tayarin” oteli kimi tanınan “AMC Royal” ilə bağlı araşdırmaya başlayıb. Qida, içki və göstərilən xidmətlərlə bağlı sanitar təhlükəsizlik tələblərinə əməl edilməməsinə görə, oteli nəinki böyük maliyyə cərimələri, həm də lisenziyasının ləğvi ilə tamamilə bağlanması gözləyir”, - deyə Turizm Palataları Federasiyası bildirib.

Bizimyol.info