Neçə gündür ki, qardaş Türkiyədə koronavirusa yoluxma sayında kəskin artım müşahidə edilir.

Virtualaz.org bildirir ki, bu mənada son sutka da istisna olmayıb. Belə ki, son 24 saatda 44 min 756 yeni yoluxma faktı qeydə alınıb.

Ölkə Səhiyyə Nazirliyinin məlumatına görə, göstərilən müddətdə həm də 186 nəfər bu infeksiyadan dünyasını dəyişib.

Beləliklə, virusa yoluxanların sayı 3 milyon 445 min 52, pandemiya qurbanlarının sayı isə 32 min 78 nəfərə çatıb.

Türkiyədə indiyədək 3 milyon 82 min 676 pasiyent sağalaraq evə buraxılıb.