Futbol üzrə Azərbaycan Premyer Liqasında XVII tura start verilib.
"Report"un məlumatına görə, turun açılış matçı Qəbələdə şəhərin eyniadlı komandası "Sumqayıt" arasında keçirilib.
Qarşılaşma Xocalı faciəsinin 29-cu ildönümü və "Sumqayıt" klubunun vitse-prezidenti Vaqif Ömərov dünyasını dəyişməsi ilə əlaqədar bir dəqiqəlik sükutla başlayıb.
Qarşılaşma meydan sahiblərinin 1:0 hesablı qələbəsi ilə yekunlaşıb. "Qəbələ"nin heyətində Ceyms Adeniyi 50-ci dəqiqədə fərqlənib. Qələbə sayəsində xallarını sayını 21-ə çatdıran "qırmızı-qaralar" 4-cü yerdəki "Sumqayıt"la xal fərqini ikiyə endirib.
Qeyd edək ki, XVII turun digər matçında "Zirə" "Neftçi"ni qəbul edir. Həmin qarşılaşmada hesab açılmayıb. Bu gün həmçinin "Sabah" - "Keşlə" və "Qarabağ" - "Səbail" qarşılaşmaları da keçiriləcək.