Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Tarixçi: Ermənilər Azərbaycanın qədim alban və xristian abidələrini məhv edirlər

Azərbaycanın qədim alban və xristian abidələri ermənilər tərəfindən məhv edilməkdədir.

Trend-in məlumatına görə, bunu Azərbaycan Milli Elmlər Akademiyasının Tarix İnstitutunun elmi işçisi Ramin Əlizadə "Arsak toponiminin elmi mənşəyi" mövzusunda keçirilən vebinarda deyib.

Onun sözlərinə görə, Azərbaycanın xristian abidələri Qriqoryan abidələri kimi təqdim edilir.

R.Əlizadə qeyd edib ki, sovet dövründə islama qədərki tariximizin sanki bir yiyəsi olmayıb. Cənubi Qafqazda o sahələri araşdıran əsas mütəxəssislər erməni və gürcülər olub:

“Albanşünaslığın araşdırılması ilə daha çox erməni və gürcülər məşğul olub. Sovet dövründə Azərbaycan tarixi elminə 2, 3-cü dərəcəli elm kimi baxılıb. Ona görə də Albaniyanın əsas iki paytaxtı olan Qəbələ və Bərdə şəhərləri Azərbaycan şəhəri olsa da, sovet dövründə bu məsələlər barədə Rusiyada, Ermənistanda, Gürcüstanda alimlər müzakirələr aparıblar”.

R.Əlizadə əlavə edib ki, Azərbaycanın tarixi ilə bağlı məlumatların virtual aləmdə düzgün çatdırılmasına çox böyük ehtiyac var:

“Biz bilirik ki, bu gün virtual aləmdə oyunlar baş verir. Biz bu gün işğalçı Ermənistanla üzbəüz dayandığımız cəbhədə düşmənlərin kimlərin olduğunu görürük. Virtual aləmdə isə çox insanlarla üz-üzə gəlirik və gərək biz onların düzgün məlumat təqdim etməyən paylaşımlarına laqeyd yanaşmayaq, real tarixi təbliğ edək. Bunun üçün bizə vizual elektron vəsaitlər çox lazımdır”.

Paylaş »
››› Ermənilərdən Putinə daha bir yalvarış məktubu
››› Ermənistanın "tragikomik" yalanları: Türkiyə sənətçilərini Qarabağda "öldürürlər"
››› Tonoyan Laçının müdafiəsinə şəxsən rəhbərlik etmək üçün Qarabağa gəlib
››› Cəbrayılın işğaldan azad edilən Minbaşılı kəndinin görüntüləri - Video
››› Prezident işğaldan azad olunan ərazilərimiz barədə xəbər paylaşıb
Son xəbərlər
Bütün xəbərlər »