Gündəm Cəmiyyət Hadisə Siyasət Dünya İdman Sağlamlıq Sosial-İqtisadi
“Misli görünməmiş miqdarda silah almışıq...”
Nikol Paşinyan

2018-ci ilin mayından 2020-ci ilə qədər (2020-ci il büdcəsi hesaba alınmaqla) Ermənistanın müdafiə xərcləri 66 milyard dram və ya 28 faiz artıb. Bu haqda baş nazir Nikol Paşinyan parlamentdə büdcə müzakirələri zamanı deyib. Əlavə edib ki, 2018-ci ilin mayından, yəni o hakimiyyətə gələndən bəri Ermənistan “misli görünməmiş miqdarda silah, texnika və sursat” əldə edib.

“Ermənistan regionda hərbi balansın bərpasına yönəlmiş siyasətini davam etdirəcək”,-Paşinyan bildirib.

Jurnalistlər isə parlament kuluarlarında Paşinyanın hansı “misli görünməmiş” silahlardan danışdığını müdafiə nazirinin müavini Qabriel Balayandan soruşublar. O deyib ki, alınan silahların siyahısını açıqlaya bilməz, çünki hərbi sirrdir. Bununla belə Balayan Ermənistanın son iki ildə “intensiv şəkildə yeni, müasir silahlar aldığını” deyib.

“Bundan əlavə, artıq məlumdur ki, təyyarələr (Su-30SM) gətirilmək üzrədir. Qalanları hərbi sirrdir”,-o əlavə edib.

Xatırladaq ki, Rusiya güzəştli kredit hesabına Ermənistana 4 Su-30SM qırıcısı satıb, həmin təyyarələrin yaxın aylarda təhvil veriləcəyi gözlənilir. O ki qaldı “misli görünməmiş miqdarda” silahlara, Ermənistanın həmin silahları hansı imkanlarla aldığı müəyyən deyil. Çünki büdcə imkanları məhduddur və Paşinyanın bəhs etdiyi 28 faizlik artım hesabına ancaq məhdud sayda silah, texnika almaq olardı...(Virtualaz.org)

Paylaş »
››› Azərbaycanda son sutkada koronavirusa yoluxma sayı açıqlandı
››› Türkiyədə koronavirusla bağlı son vəziyyət
››› Alimlər Çində yayılan yeni SFTS virusunun COVID-19-la fərqini araşdırır
››› ABŞ-da jurnalist Trampı tribunanı tərk etməyə vadar etdi - Video
››› Avqustun 10-na olan hava proqnozu
Son xəbərlər
Bütün xəbərlər »