Demokratiya və Rifah Hərəkatının sədri, iqtisadçı Qubad İbadoğlu deyir ki, yeni artım 2013-cü illə müqayisədə 10 dollar aşağıdır.
Bizimyol.info xəbər verir ki, iqtisadçı təklif edir ki, 2020-ci il yavarın 1-dən pensiyaların minimum məbləği 250 manata qaldırılsın ki, yaşlı əhali heç olmazsa, 2013-cü il səviyyəsində təqaüd ala bilsin:
“2013-cü ildə Azərbaycanda minimum pensiya 100 manat idi. Çevirəndə 127 dollar edirdi. İndi minimum pensiyanı qaldırıb, 200 manat edilər. Bu məbləğ isə hazırkı kursla 117 dollar edir. Yəni 2013-cü illə müqayisədə 10 dollar azdır”.
Qubad İbadoğlu deyir ki, əslində 200 manat özü də minimum pensiya üçün kifayət qədər aşağı məbləğdir. Çünki son 5 ildə bir neçə dəfə devalvasiya olub və manat xeyli dəyər itirib:
“Nəticədə, dollara çevirəndə indiki artımlı minimum pensiya əvvəlki aşağı minimum pensiyadan az çıxır. Bu illər ərzində ərzaq, dərman, nəqliyyat və başqa sahələrdəki qiymət artımlarını nəzərə alsaq, aşağıdır”.
Bizimyol.info