Xəzər dənizində itkin düşən Hərbi Hava qüvvələrinə məxsus "Miq-29" təyyarəsinin itkin düşən pilotu tanınmış politoloq Qabil Hüseynlinin kürəkənidir.
Bu barədə bizimyol.info-ya Q.Hüseynli özü məlumat verib. MiQ-29 hərbi təyyarəni idarə edən pilot polkovnik-leytenant Rəşad Atakişiyev olub.
“Biz hələ ümidlərimizi itirməmişik. Axtarışlar davam edir. Axtarışların nəticəsindən asılı olaraq açıqlama verəcəyik”,-deyə Q.Hüseynli bildirib.
Müdafiə Nazirliyinin yaydığı məlumatda bildirilir ki, hadisə ötən gecə baş verib. Qeyd edilir ki, gecə vaxtı təlim-məşq uçuşları keçirən Hərbi Hava Qüvvələrinin (HHQ) MiQ-29 təyyarəsi ilə qəflətən rabitə əlaqəsi kəsilib və aviasiya vasitəsi radarlardan itib.
Ramid İbrahimov