İyunun 20-dən Tbilisidə keçirilən kütləvi aksiyalar səngimək bilmir.
“Qafqazinfo”nun “sputnik Gürcüstan”a istinadən verdiyi xəbərə görə, ötən gün parlamentin binası qarşısında Daxili İşlər naziri Georgi Qaxariyanın istefası tələbi ilə baş tutan mitinqdə Gürcüstanın sabiq Prezidenti Mixail Saakaşvilinin xanımı, ötən ay Zuqdudi şəhərinin meri olmaq uğrunda apardığı mübarizədə uduzan Sandra Rulofs da olub.
Qeyd edək ki, “Vahid milli hərəkat” partiyasının nümayəndəsi S. Rulofs 42,75 faiz səslə uduzduğu seçkilərdən sonra jurnalistlərə verdiyi açıqlamada Gürcüstanda etiraz dalğasına söz vermişdi: “Biz qətiyyətlə mövqeyimizi müdafiə edəcəyik. Hər bir şəhərə, kəndə, küçəyə baş çəkəcəyik və insanları əmin edəcəyik ki, biz bir-birimizi güclü edə bilərik. Bidzina İvanişvilinin rejiminə etiraz dalğası ilə qalib gəlməliyik”.
Sandra RulofsBundan əlavə, Mixail Saakaşvili də günlərdir aksiya edən mitinqçilərə dəstək olub. O, feysbuk səhifəsində video-müraciət edərək hakim partiyanı siyasətdən uzaqlaşdırmaq üçün insanları birləşməyə çağırıb. Ancaq Saakaşvili partiyanı hakimiyyətdən sülh yolu ilə kənarlaşdırmağı bildirib.
