Bu sözləri “Qarabağ” futbol klubunun baş məşqçisi Qurban Qurbanov azerisport.com saytına Çempionlar Liqasının qrup mərhələsinin püşkatmasının nəticələrini şərh edərkən deyib.
“Bizə beş ən güclü futbol ölkəsindən üçünün komandaları düşdü. Hesab edirəm ki, “Çelsi”, “Atletiko” və “Roma”nın əlavə təqdimata ehtiyacı yoxdur. Onlarla oyunlar bizim üçün böyük təcrübə olacaq, komandamıza kömək edəcək. Hazırda mənim bütün fikirlərim ölkə çempionatındakı “Qəbələ”yə qarşı növbəti oyuna yönəlib. Onları məğlub edək, sonra oturub Çempionlar Liqasındakı rəqiblərimiz barədə məlumat toplayacam”, - baş məşqçi deyib.
