Bəs, bir məktəblini geyindirib-kecindirib məktəbə yola salmaq valideynə neçəyə başa gəlir?
A24.Az olaraq alış-veriş üçün Bakının ən ucuz bazarlarından hesab edilən 8-ci km bazarına yola düşdük.
Neftçilər metrosundan çıxan kimi saysız-hesabsız paltar mağazaları, bijuteriya, ayaqqabı, çanta satan butiklərlə rastlaşdıq. Yeri gəlmişkən deyim ki, bu mağazalardan hər cibə və zövqə uyğun geyim ala bilərsiniz.
8-ci km bazarına yaxınlaşanda mənzərə dəyişdi. Bir tərəfdə mer-meyvə piştaxtaları var idi, digər tərəfdə isə məktəb ləvazimatları, məktəbli paltarları satılırdı.
İlk növbədə çantadan başlayırıq. Çantaların qiyməti keyfiyyətə görə dəyişir. 6 manatdan tutmuş 45 manatadək hər rəngdə, hər çeşiddə çanta almaq mümkündür.
Alıcıların sözlərinə görə, ən çox tələbat 25 manatlıq çantalarıdır.
Çünki onlar digərlərinə nisbətdə daha keyfiyyətlidir. 35-45 manatlıq çantalar isə daha dözümlüdür. Bu çantalar işlətməkdən asılı olaraq 2 il tab gətirə bilir.
Məktəbli formalarının qiyməti 35 manatdır.
Dəstə daxildir pencək, jilet, şalvar. Köynəyin qiyməti isə 9 manatdan başlayır.
15 manata da normal keyfiyyətdə köynək almaq mümkündür.
Şalvarların tək-tək qiyməti isə 12 manatdan başlayır.
Qızlar üçün ətək və köynəklərin qiyməti də 12-25 manat arasında dəyişir.
Ayaqqabılar 10 manatdan başlayaraq 45 manatadək çıxa bilir.
Qız məktəblilər üçün uzun kalqotkaların qiyməti 2 manatdan başlayır.
Məktəb üçün xırda ləvazimatların qiymətləri isə belədir:
Plastilin Play Dough – 2.50 qəpik
Üzlük – 20-30 qəpik
Su qabı 4-8 manat, Termos – 12 manat,
Qələm 20-90 qəpik
Gündəlik 1.50 – 3 manat
Rəngli karandaş 1.50-6 manat
Dəftər 12 vərəqli -12 qəpik (Bakı istehsalı)
40 vərəqli dəftər – 50 qəpik
60 vərəq – 70 qəpik
100 vərəq – 1 manat 20 qəpik
Deməli valideyn övladını məktəbə yola salmaq üçün ən aşağı 150 manatından keçməlidir. Şagirdin sonradan alacağı dəftərlərin və iş kitabçalarının isə qiyməti bura daxil deyil.
Bir ailədən 2 uşaq məktəblidirsə, valideynin işi müşküldür. Qeyd edək ki, biz hesablamanı ən aşağı limitlə aparmışıq.
[gallery columns="1" size="full" ids="15405,15406,15407,15408,15409,15410">
