Olimpiada qalibləri ali məktəblərə imtahansız qəbul olunacaqlar
Bürclər - 6 İYUN
İyirmi səkkiz il sonra Naxçıvanda
İTV-də yeni təyinat

Dünya çempionu işsiz qalıb - FOTOLAR

Dünya çempionu işsiz qalıb - FOTOLAR
Bölmə :
Cəmiyyət
Yayım tarixi :
29/8/2016 [14:56]
Baxılıb :
dəfə
Ağasif Səmədovun anası aidiyyatı qurumlardan kömək istəyir

1989-cu il təvəllüdlü, sambo idman növü üzrə idman ustası Ağasif Səmədov ixtisara düşərək işsiz qalıb. Bu barədə “Bizim Yol”-a onun anası Nəzifə Ələsgərova məlumat verib. O bildirir ki, peşəkar idmanla məşğul olan oğlu dəfələrlə dünya və Avropa çempionatlarında fəxri kürsüyə qalxaraq Azərbaycan dövlət bayrağını dalğalandırıb.   

Bu uğurlarını nəzərə alan “Neftçi İdman Klubu” İctimai Birliyi A.Səmədovla xidməti müqavilə bağlayıb və ona hər ay 500 manatı əmək haqqı verib.  Amma bu ilin əvvəlindən xidməti müqaviləyə xitam verilib. 

Həyat yoldaşı rəhmətə gedəndən sonra oğlunun himayəsində yaşayan, şəkər xəstəsi Nəzifə Ələsgərova A.Əsgərovun ixtisara düşməsindən Gənclər və İdman Nazirliyinə şikayət edib: “Müraciətimiz “Neftçi İdman Klubu”na göndərilib. Oğlum həmin təşkilatda gedərək rəhbərliyin qəbulunda olmaq istəyib. Bütün cəhdlərinə baxmayaraq onu qəbul etməyiblər. 

Oğlum nişanlıdır, nikah üçün qan analizi verib. Amma pulu olmadığına görə nikah müqaviləsi bağlatdıra bilmir. Evimizə tək gəliri oğlum gətirirdi. Bir təhər yaşayırdıq. İndi 500 manatı da kəsdilər. Bayramlarda müxtəlif idman təşkilatları tərəfindən pul mükafat verilirdi. Həmin mükafatlar da son bir ildə verilmir”.

Səmədovlar ailəsinin Gənclər və İdman Nazirliyinə etdiyi müraciətə “Neftçi İdman Klubu” İctimai Birliyinin İdarəetmə aparatının rəhbəri Sadıq Sadıqov cavab verib. İdmançının anası həmin cavabı bizə təqdim etdi. Cavabda bildirilib: “2015-ci ilin sonlarında yaranmış zəruriyyət səbəbindən (Burada manatın ikinci devalvasiyası nəzərdə tutulub-R.İ.) “Neftçi İdman Klubu”nun idman bölmələrində müvafiq islahatlar aparılmış və nəticədə sambo növüdə daxil olmaqla idman bölmələrində əsasən həvəskar idmançılarla məşğulluq prioritet istiqamət müəyyən edilib. 
Bununla da sizinlə bərabər bir çox idmançılarla bağlanmış xidmət müqavilələrinə şərtlərə uyğun olaraq bir ay qabaqcadan xəbərdarlıq edilməklə qanunvericilik çərçivəsində xitam verilib”. 

Ramid İBRAHİMOV

Paylaş:
Mövzuya dair fotolar (Böyütmək üçün tıklayın)