Bizimyol.info Moderator.az-a istinadən xəbər verir ki, klinik olaraq ölüm baş versə də, xəstənin tam ölmədiyini deyən həkim ölümdən sonra beynin işləməyə davam etdiyini deyib. Doktor Parnia “beyin öləndən sonra da işləməyə davam edir və insanlar öldüyünün fərqində olurlar” şəklində açıqlama verib.
Bir insanın şüurunun öldükdən sonra da davam etdiyini kəşf edən mütəxəssislər ürəyi dayanan və texniki olaraq öldükdən sonra yenidən canlandırılan 330 xəstədən 140-ı üzərində bir araşdırma həyata keçiriblər.
Araşdırmaya görə, bu insanların 39 faizinin ürəyi dayandıqdan sonra şüurlarının bir müddət açıq olduğu bildirilib. Həyata qayıdan bu şəxslər bir müddət ətraflarında olan bitəni görür, duyur və həkimlərin onlar üçün "öldü" dediyini belə eşidirlər.
Qeyd edək ki, ölümdən sonra həyat varmı? sualını gündəmə gətirən hadisə Kanadada baş vermişdi. Beləliklə, həkimlər insanların beyinlərinin klinik olaraq öldükdən sonra da işləməyə davam etdiyinə dair elmi dəlillər taparaq xəstənin ölməsindən sonra da beyin fəallığının 10 dəqiqə davam etdiyini bildirmişdilər.
