Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Türkiyədə qadın alverində təqsirləndirilən Gülnarənin məhkəməsi başladı
Bakı Ağır Cinayətlər Məhkəməsində insan alverində təqsirləndirilən Gülər Məmmədovanın cinayət işi üzrə məhkəmə iclası başlayıb.

Bizimyol.info xəbər verir ki, G.Məmmədova Azərbaycan qadınlarını Türkiyəyə apararaq cinsi istismara məruz qoymaqda ittiham edilir.

Hakim Eldar Mikayılovun sədrliyi ilə keçiirlən prosesdə təqsirləndirilən şəxsin anket məlumatları dəqiqləşdirilib və baxış iclası avqustun 29-na təyin edilib.

Qeyd edək ki, G.Məmmədova Azərbaycan qadınlarını Türkiyəyə apararaq cinsi istismara məruz qoymaqda təqsirli bilinib və barəsində cinayət işi başlanıb.

Ağdam rayon sakini, 1968-ci il təvəllüdlü G.Məmmədova Daxili İşlər Nazirliyinin İnsan Alverinə qarşı Mübarizə Baş İdarəsi əməkdaşlarının keçirdikləri əməliyyat-axtarış tədbirləri nəticəsində saxlanılıb.

Onun Azərbaycan Respublikası vətəndaşı olan 2 qadını Türkiyə Respublikasının Ankara şəhərinə apararaq insan alverinə məruz qoyması faktı müəyyən edilib.

G.Məmmədovanın barəsində Cinayət Məcəlləsinin 144-1.2.1-ci (insan alveri, iki və ya daha çox şəxs barəsində törədildikdə) maddəsi ilə ittiham irəli sürülüb.

Rəşad VAQİFOĞLU

Son xəbərlər
Bütün xəbərlər »