Yuxu ilə bağlı olan yeni araşdırmada alimlər sağlamlıq üçün ən optimal yatış pozasını axtarırdı. Bir neçə yüz insanın yatış pozasını və sağlamlıq göstəricilərini müqayisə etdikdən sonra alimlər belə qərara gəliblər ki, gecənin əksər vaxtını bel üstə yatan insanlar daha sağlam olur. Belə vəziyyətdə bədən daha yaxşı dincəlir və bərpa olunur. Həmçinin bel üstə yatmaq üz dərisini daha cavan saxlayır.
Bizimyol.info A24.Az-a istinadla xəbər verir ki, 2-ci yerdə sağlamlığa olan təsirə görə sağ böyürü üstə yatmaq pozası gedir. Alimlər belə pozada yatmaq xoşlayan insanlara dizlərin altına kiçik yastıq qoymağı tövsiyə edir ki, bu belə düşən gərginliyi azaldır.
Sol böyürü üstə yatmaq arzuolunmaz sayılır.
Qarın üstə yatmaq isə ən ziyanlı pozadır. Belə poza yaşlı insanlarda hətta ani ölümünə səbəb ola bilər.
