Media işçilərini istirahət mərkəzində qarışlayan Azərbaycan Dəmiryolçularının Müstəqil Həmkarlar İttifaqı Respublika Komitəsinin sədri Fəzail Bağırov öncə jurnaslitləri peşə bayramı münasibəti ilə təbrik edib.
O, bildirib ki, "Lokomotiv” İstirahət Mərkəzində ildə 1200 nəfərə yaxın dəmiryolçu və onların ailə üzvləri dincəlir. Bundan əlavə, AHİK-in xətti ilə hər il dəmiryolçuların istirahət və müalicəsi üçün 350 yollayış vərəqəsi verilir.
Bayram tədbirində "Azərbaycan Dəmir Yolları” QSC-nin İctimaiyyətlə əlaqələr şöbəsinin rəisi Sevinc Qədirova çıxış edərək bildirib ki, 22 iyul - milli mətbuat günü ölkədə geniş qeyd olunur. Əsası böyük maarifçi, Milli Mətbuatımızın banisi Həsən bəy Zərdabi tərəfindən qoyulan Azərbaycan mətbuatı bu gün böyük inkişaf yolundadır.
S.Qədirova "Bakı-Tbili-Qars”, "Şərq-Qərb”, "Şimal-Cənub”, "Cənub-Qərb” layihələri, dəmir yolunda aparılan islahatlar haqqında jurnalistlərə məlumat verib: "Bütün bu işləri həyata keçirən dəmiryolçuların, sosial problemlərinin həlli, istirahətlərinin təşkili də daim diqqət mərkəzindədir. Nabrandakı "Lokomotiv” İstirahət Mərkəzi 2008-ci ildən dəmiryolçuların istifadəsinə verilib. Kütləvi informasiya vasitələri, bütün sahələrdə olduğu kimi, dəmir yolunda da həyata keçirilən iqtisadi islahatların, əldə olunan uğurların ölkə ictimaiyyətinə çatdırılmasında böyük rol oynayırlar".
Ramid İbrahimov
https://www.youtube.com/watch?v=VxxZO6VDOR0&feature=share