Bu barədə "Ölkə.Az"a Türkan qəsəbə sakini, jurnalist Vüqar Əmirov məlumat verib. Onun sözlərinə görə, M.Sadıqov məsələni ictimailəşdirəndən sonra keçmiş həyat yoldaşı Əminə Məmmədovanın qardaşı (14 yaşlı qızın anası) və ilk evliliyindən olan qızının həyat yoldaşı tərəfindən təzyiqlərə məruz qalıb:
"Dünən "Səni axtarıram" verilişindən qayıdandan sonra yolda Mirtəməni maşından düşürmüşəm. Ondan sonra Mirtəmənə zəng çatmır. Halbuki Xəzər Rayon Polis İdarəsinin müstəntiqi ona demişdi ki, telefonunu açıq saxla, səninlə əlaqə saxlayacağıq. Mənə Mirtəmənin yaxın qohumları bu barədə bildiriblər.
Şikayətçi Mirtəmən Sadıqovun ümumilikdə 10 uşağının olduğu deyilir. Ötən il bir xanımla ailə həyatı quran Sadıqovun hər iki qadından ümumilikdə 1-i oğlan, 9-u qız olmaqla 10 övladı var. 1 il qabaq qızının elçiliyində iştirak edən ata indi onun erkən yaşda ailə qurmasının qarşısını almağa çalışır. Atanın iddiasına görə, qızı həmin oğlandan 2 aylıq hamilədir.
Artıq Mirtəmən Sadıqovun Xəzər Rayon Polis İdarəsinə etdiyi şikayət əsasında qızıyla ailə quracağı bildirilən 22 yaşlı oğlan şübhəli şəxs qismində saxlanılıb. Ona qarşı Cinayət Məcəlləsinin 152-ci (Yetkinlik yaşına çatmış tərəfindən aşkar surətdə on altı yaşına çatmayan şəxslə cinsi əlaqədə olma və ya seksual xarakterli başqa hərəkətlər etmə) maddəsiylə cinayət işi başlanıb.
