“Liverpul”un ulduz futbolçusu Məhəmməd Salah Serxio Ramosa sərt cavab verib.

“Ölkə.Az” xəbər verir ki, Salah Serxionun “İynə vurulsaydı, oyuna davam edə bilərdi” açıqlamasına “Gülməlisən” cavabını verib.

Çempionlar Liqasının finalında “Real Madrid”-“Liverpul” qarşılaşmasına Salahın zədələnməsi damğa vurmuşdu.

Serxio Ramosla girdiyi mübarizədə zədələnən misirli futbolçu bir neçə dəqiqə sonra stadionu tərk etmək məcburiyyətində qalmışdı.

Ramos isə mətbuata açıqlamasında deyib: “Əvvəlcə o, mənim qoluma girdi. Sonra isə yerə yıxıldı. Əgər ona iynə vursaydılar, oyuna davam edə bilərdi”.

25 yaşlı Salah isə Serxioya belə cavab verib: “Gülməlidir. Bəlkə Ramos Dünya Çempionatında oynayıb-oynamayacağımı da söyləsin”.