-Qulu müəllim, bu gün televiziya proqramların müasir vəziyyəti , jurnalist mədəniyyəti qənaətbəxş səviyyədədirmi?
-Bu gün teleiziya proqramları yalnız o adamları qane edə bilər ki, onların televiziyadan xüsusi bir tələbi yoxdur.Televizor bir ev əşyasıdır .Önəmli olan onun məzmunudur. Onun bizə nə öyrətməsidir, nə dərəcədə gərəkli verilişlər təqdim etməsidir. Bir sözlə qiymətləndirəsi olsaq televiziya böhran vəziyyətindədir və o qarşısına qoyulmiş klassik vəzifələri yerinə yetirə bilmir. Əyləncə verilişlərinin sayı artıb. Ayrıca əyləncə proqramları təqdim edən kanallar ola bilər. Bu dünyada da var. Amma çevrəmizdə bu qədər mürəkkəb hadisələrin baş verdiyi bu dövrdə bu qədər əyləncə nəyə lazımdır? Əyləncə özü də hansısa biliyi, mesajı çatdırmaq üçün vasitədir.Vaxtilə çariça Yekaterina Almaniyadan rus mujiklərini tərbiyələndirmək üçün dəvət etdiyi mütəxəssislərə tapşırırdı ki, bunu dərs kimi təşkil etməyin elə tərz seçin ki, onlar özləri də xəbərləri olmadan öyrənsinlər. İnsanları əyləndirərək də öyrətmək lazımdır.Bu gün əyləncə əsas materiala çevrilib, bununla da irəliləmək mümkün deyil
-Bəs yaranmış böhranın əsas səbəbləri nələrdir?
-Bu gün televiziyaların yaxşı cəhəti budur ki, texnologiyalar yenilənib. İndi dövlət televiziyasına 31-32 milyon manat vəsait ayrılır. Bu Ermənistan və Gürcüstanın ümumilikdə ayrıdığı maliyyədən çoxdur. İctimai TV-yə 14 milyon vəsait ayrılır.Yeri gəlirsə müəyyən televiziya məhsullarının hazırlanmasına ayrıca vəsait ayrılır. Məsələn serilalara 20 milyon manata yaxın vəsait ayrılıb. Amma ortaya çıxarılan seriallar bir ikisi istisna olmaqla, bizim həyat tərzimizə aid olmayan kriminal və aqressiya təbliğ edən filmlərdir. Məsələn Ordubadinin “Qılınc və qələm” əsərini ekranlaşdırmaq olmazdımı?
Böhran nəylə bağlıdır? İlk növbədə peşəkarlıq aşağı düşüb, yaxşı prodüsser və reissor işi yoxdur, televiziya idarəçiliyində problemlər var. Prodüsserlərin yaradıcılıq sərbəstliyi yoxdur, ictimai müzakirələr yoxdur. Tok şoular debatlar yoxa çıxıb. İndi kütləvi müzakirələr heyvan haqları və s. kimi dördüncü, beşinci səviyyəli məsələlərin altında qalıb. Biz heç bir həqiqəti ideologiya altında gizlədə bilmərik. Mətbuat cəmiyyətə doğru dürüst mesajlar verməlidir.Ciddi problem əsasən özəl telekanallardadır. Bu maliyyə problemləri ilə bağlı yaranır. Özəl televiziyalar maliyyə problemlərinin həlli üçün qeyri-sağlam rəqabətə girilər.
-Telekanalların siması olaraq teleaprıcıları görürük.Amma çox zaman elə onlar özləri vətəndaşları demək olar ki, işlətdikləri ifadələrlə təhqir edirlər.Bu günlərdə müğənni Maral Tahirqızı dəvət olunduğu proqramda aparıcı Elçin Əlibəyli tərfindən sözün həqiq mənasında təhqir olundu. Məlum məsələdir ki, Maral tahirqızı o efirə dəvət olunaraq gəlmişdi, özbaşına çıxmamışdı. Tənqid və təhqir arasındakı fərqi bizdə qarışıq salırlar.
-Elçin Əlibəyıli müəyyən dərəcədə intellekti ilə fərqlənən adamdır, televiziyanın qayda qanunlarını Amma onu da bilmək lazımdır ki, aparıcı moderatordur. O tərəf deyil. O tərəf tutsa yalnışlığa yol verir Amma aparıcı durub mövqe nümayiş etdirib üstəlik arzuolunmaz ifadələr işlədirsə bu düz deyil . Qeyri- adilik xəbər üçün şərtdir, bu maraq doğursa da cəmiyyət üçün pozucu təsir bağı.şlayır.Bir zamanlar insanlar dəbi, danışıq qaydalarını mədəniyyəti televiziyalardan, teleaparıcılardan öyrənirdilər. Ona görə ekranda olan insanlar öz davranışlarını tənzimləməlidirlər.Xəbər aparıcıları ilə bağlı vəziyyət bir qədər yaxşıdır. Düzdür, qüsurlar var. Amma əyləncə sektorunda vəziyyət bərbaddır.
Rusiyalı sosioloqlar televiziya aprıcıları ilə bağlı 100 keyfiyyət meyarı müəyəynləşdiriblər . Bura səmimiyyət, baxış, görünüş, danışarkən istehza və yumora yer verilməsi, insanlara yanaşma tərzi və s. kimi ən xırda nüanslara diqqət yetirilir. İzləyici aparıcının göz qırpımına da diqqət edir. Kennedi deyirdi ki, II Dünya Müharibəsindən sonra Amerika xalqını televiziya formalaşdırıb.Bu gün telekanalların hansı rəyi, hansı ideyanı formalaşdırdığı məlum deyil.
-Hansısa qeyri -peşəkarın peşəkar TV işçilərini sıradan çıxarmasına nə deyirsiz?
-Bu bizdə çox var, hətta xarici telekanallarda da rast gəlinir. Qeyri -peşəkarlığın göstəricisidir. Rəhbər təyin edilən kimi onun hər dediyinə baş əyən insanları ətrafında toplayır, nəticədə örülən iş də göz önündədir. Hər şeydə olduğu kimi, televiziyada da gərək ölçüləri pozmayasan . Azərbaycanda televiziya islahatı aparılmalıdır, normal adamlar televizyanı idarə etməlidir. Sponsorun , reklam verənin təzyiqi, tanış- biliş hesabına idarə olunan televiziyadan nə gözləmək olar ? Dil normaları kəskin pozulur bəs normaları kim gözləıməlidir?Dil düşüncənin inikasdır. Təəssüf ki, telekanallarda bu böyük problem kimi özünü göstərir.
-Son dövrlərdə belə təəssürat yaranır ki, televiziya kütləni deyil, kütlə televiziyanı öz arxasınca çəkib aparır.
-Televiziya müəyyən dəyərləri təbliğ eləməlidir. Amma təbliğ adı altında hansısa dərinliyi olmayan yalançı ideyaları insanların beyninə pərçim edəndə eybəcər olur.Televiziyalarımızda plüralizmə yer qoyulmur. Ya ağ, ya qara. Halbuki ağla qara arasında min çalar var.Bütün gün efirdə yatıb qalan adamlar var.Nədən desən o sahə üzrə ekspertdirlər. Guya höküməti tərifləyirlər, ideologiyanı təbliğ edirlər.Amma belə saxta adamların təqdim etdikləri fikir, təriflər təriflədikləri şəxsiyyətə faydalı olmaqdan çox ziyan verir. Məsələn bu yaxınlarda bir deputat dedi ki, biz ermənləri səngərdə əyilə -əyilə yeriməyə məcbur etmişik. Axıl bu gülünc Bəyəm bizimkilər səngərdə parad keçirirlər? Həqiqət müxtəlif fikirlərin qovşağından yaranır, fikirlər birləşəndə həqiqətin mənzərəsi görünür. Bir məsələyə müxtəlif aspektlərdən baxanda daha yaxşı olur. Müasir televizya buna imkan vermir.
-Həqiqəti demək çətindir, amma yalana qulaq asmaq ondan da çətindir. Telekaranlardan yalana qulaq asmaq əzabı nə qədər davam edəcək?
-Artıq müəyyən silkələnmələr gözləyirik. İndi ağıllı adamlar görürlər ki, dövlət vəsaitini bu şəkildə israf eləmək olmaz. Bu gün televiziyaların boynuna heç bir xidmət qoya bilmirik. Sadəcə 400-500 adama maaş verilir. Bu qədər.Ciddi islahatlar aparılmalıdr.Bir televiziya sədrinin adı qətldə hallanırsa və bu barədə ölkə parlamentində Fazil Mustafa kimi hər zaman doğruları söyləyən bir deputat məsələ qaldırısa bu faciəvi bir haldır. Televiziya əxlaqdan başlayır, əxlaqı təbliğ edir.İndi televiziyalarda problem odur ki, onlar ictimai əxlaqı zədələməyə başlayıblar.Bunu düzəltmək mümkündür, əgər sənin məqsədin, niyyətin xalqa xidmət etməkdirsə.
İlhamə Loğman