Pakistanın daxili işlər naziri Ahsan İkbal Pəncab vilayətində Naroval şəhərində sui-qəsd zamanı yaralanıb.
Oxu.Az-ın xəbərinə görə, bu barədə Geo TV məlumat yayıb.
Məlumata əsasən, hadisə mitinq zamanı baş verib.
DİN rəhbəri öz avtomobilində olarkən 20-22 yaşlı gənc ona atəş açıb.
Güllə nazirin sağ çiyninə dəyib, o xəstəxanaya yerləşdirilib.
Hazırda Ahsan İkbalın vəziyyəti normaldır, ona həyatına heç bir təhlükə yoxdur.
Nazirə atəş açan şəxs saxlanılıb, lakin hüquq-mühafizə orqanları onun adını açıqlamayıblar.
