Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Qarabağ xalçalarını erməni brendinə çevirmək istəyirlər
Bu, ermənilərin Azərbaycan tarixinə, mədəniyyətinə, həmçinin xalçaçılığına qarşı təcavüzünün yeni bir mərhələsidir"

"Qarni", "Zvartnots", "Metsamor" və digər muzey-qoruqların ekskursiya proqramına Qarabağ xalçalarının nümayişini də əlavə etmək lazımdır."

Sputnik Ermənistan xəbər verir ki, "Tarixi mühitin və tarixi-mədəni muzey-qoruqların mühafizəsi xidməti"nin direktoru Ara Tarverdyan və "Karabakh Carpet" şirkətinin rəhbəri Sevak Xaçatryan qoruq ərazisində xüsusi çadır pavilyonlar qurulmasını müzakirə edərkən belə deyiblər.

"Qarabağ xalçaları yollarda, aparıcı məbədlərdə, parklama yerlərində və pavilyonlarda nümayiş etdirilməlidir. Mən əminəm ki, bu, xarici turistləri maraqlandıracaq. Müvəffəqiyyətin açarı səviyyəli nümayişdədir. Mən əminəm ki, əgər bunu etsək, biz, müvəffəqiyyət qazanacağıq" – deyə Ara Tarverdyan Sevak Xaçatryanla turizm sahəsinin inkişafı ilə bağlı əməkdaşlıq məsələlərini müzakirə edərkən deyib.

XİN-nin sözçüsü: “Son 25 ildə Ermənistanın danışıqlardakı strategiyası dəyişməyib”

Onlar qeyd ediblər ki, xalçaların nümayişi zamanı xalçaçıları və onların xalçatoxuma prosesini də nümayiş etdirmək lazımdır. Turistlər özləri də bu prosesdə iştirak edə bilərlər.

"Muzey-qoruqları ziyarət edərkən turist təkcə parlaq təəssüratlar və emosiya almayacaq, eyni zamanda özü ilə "erməni mədəniyyətinin bir hissəsini" aparacaq. Beləliklə, Ermənistan özünü ləyaqətlə təqdim etmiş olacaq" – deyə Tarverdyan bildirib.

Sevak Xaçatryan isə qeyd edib ki, "Stepanakert (Xankəndi), Hadrut və Berdzorda (Laçın) istehsal olunan Qarabağ xalçalarının ən xarakterik nümunələri ən kaprizli alıcını belə razı sala bilər".

Bir sözlə, ermənilər Qarabağ xalçalarını dünyaya "erməni brendi" adı ilə sırımaq üçün ciddi fəaliyyətə start veriblər və artıq bu işdə turistlərdən də istifadə etməyi düşünürlər.

"Bu, ermənilərin Azərbaycan tarixinə, mədəniyyətinə, həmçinin xalçaçılığına qarşı təcavüzünün yeni bir mərhələsidir" – deyə ermənilərin sözügedən addımını Sputnik Azərbaycan-a şərh edən "Azərxalça" Səhmdar Cəmiyyətinin sədri, əməkdar incəsənət xadimi, tarix üzrə fəlsəfə doktoru, professor Vidadi Muradov bildirib.

Lakin o hesab edir ki, bu, ermənilərin gülünc və heç bir əhəmiyyəti olmayan bir təbliğat planıdır: "Qarabağ xalçaları heç bir halda ermənilərin təbliğat alətinə çevrilə bilməz. Qarabağla yanaşı, Azərbaycanın digər bölgələrində də azərbaycanlılarla birlikdə yaşamış ermənilər bizdən çox şey öyrəniblər. Xalçaçılıq da onların maddi durumunu yaxşılaşdıran bir sənət sahəsi olub. Ermənilər xalça toxumağı, onun təmirini, hətta ticarətini də azərbaycanlılardan öyrəniblər. Bizə minnətdar olmaq əvəzinə, genetik xüsusiyyətlərinə uyğun olaraq, indi xalçaçılığın yaradıcıları kimi özlərini dünyaya tanıtmağa çalışırlar".

Muradovun sözlərinə görə, bu gün dünyanın istənilən ölkəsində yaşayan azərbaycanlının xalça toxuması heç kimi təəccübləndirməz. Çünki bu, bizim milli xüsusiyyətimiz, istedadımızdır. Bunun üçün bizə heç bir dərs, təlim lazım deyil.

Paylaş »
››› İki oğlu şəhid olan ananın şikayətinə cavab gəldi
››› "Region dünyanın barıt çəlləyinə çevrilib, partlayış bir qığılcıma bənddir"
››› “Yardımlının axundunu rayonda tapmaq olmur”
››› FHN hava şəraiti ilə bağlı əhaliyə müraciət edib
››› Azərbaycanda son sutkada koronavirusa yoluxanların sayı açıqlandı
››› “Məgər ölkəni satanlar elə təkcə rus sektorunu bitirənlərdir?”
››› Ərdoğan: "İğdırdan Azərbaycana yol çəkəcəyik"
Son xəbərlər
Bütün xəbərlər »