2026-cı ilin iyun ayında istehlak qiymətləri illik müqayisədə (illik inflyasiya) 5,8% artım təşkil edib ki, bu da öncəki ayda qeydə alınan 5,6%-i 2 faiz bəndi üstələyib. Hazırda qiymət sabitliyinin təmin edilməsini əsas mandat kimi müəyyən edən Azərbaycan Mərkəzi Bankının inflyasiya hədəf diapazonunun yuxarı həddi olan 6%-ə cəmi 0,2 faiz bəndi qalıb.

Bizimyol.info Dövlət Statistika Komitəsinin açıqladığı məlumatlara istindaən xəbər verir ki, qida inflyasiyası illik müqayisədə 7% alkoqol 7.5%, tütün isə 9.5% bahalaşıb.

Bununla belə illik qeyriqida inflyasiyası 3,8%, ödənişli xidmətlər isə 5,6% olub.

Aylıq müqayisədə isə inflyasiya mənfi olub və istehlak qiymətləri may ayı ilə müqayisədə 0,3% azalıb.

2026-cı ilin yanvar–iyun aylarında Azərbaycanda orta inflyasiya və ya istehlak qiymətləri indeksi ötən ilin eyni dövrü ilə müqayisədə 5,7% artıb. Hesabat dövründə qida məhsulları, alkoqollu içkilər və tütün məmulatlarının qiymətləri 6,7%, qeyri-qida məhsullarının qiymətləri 3,8%, əhaliyə göstərilmiş ödənişli xidmətlərin tarifləri isə 5,7% yüksəlib.

Azərbaycan Mərkəzi Bankının yenilənmiş may proqnozuna görə 2026-cı il üzrə illik inflyasiya 5.9 faizə yüksəldilib. Halbuki, 2026-cı ilin ilk fevral iclasında bu rəqəm 5.5 faiz təşkil edirdi. 2027-ci il üzrə inflyasiya isə fevraldakı 4% proqnozu mayda 4.5% ilə dəyişdirilib. İnflyasiya proqnozunun artırılması xarici mənşəli təzyiqlərin aktivləşməsi ilə izah olunur.

Bununla belə AMB ölkədə illik inflyasiya hədəf intervalı (4±2%) daxilində qalmağa davam edəcəyini bildirib. AMB son faiz dəyişməsi 2026-cı il fevralın 5-dən etibarən olub. Belə ki, requlyator uçot dərəcəsi 6,5%, faiz dəhlizinin aşağı həddi 5,5%, yuxarı həddi isə 7,5% səviyyəsində müəyyən edilib. Ondan sonrakı iki iclasda gözləmə mövqeyində qalıb.

Azərbaycan Mərkəzi Bankı inflyasiyanı 2–6% hədəf diapazonunda saxlamağa çalışır. İnflyasiya 6%-i aşdıqda qiymət artımlarını cilovlamaq üçün adətən pul siyasətini sərtləşdirir, yəni uçot dərəcəsini və digər alətləri artıraraq iqtisadiyyatda pul kütləsinin artımını məhdudlaşdırır. Əksinə, inflyasiya 2%-dən aşağı düşdükdə iqtisadi fəallığı dəstəkləmək məqsədilə pul siyasətini yumşalda, o cümlədən uçot dərəcəsini azalda və maliyyə şəraitini daha əlverişli edə bilər.

Mərkəzi Bankən İdarə Heyəti 2026-cı ilin beçinci faiz qərarına dair iclası 31 iyulda olacaq.