İsrailin Baş naziri Benyamin Netanyahunun vəkili 9 iyun çərşənbə axşamı səhər saatlarında məhkəməyə müraciət edərək onun iş üzrə iclasının başlanma vaxtının 10:30-a keçirilməsini xahiş edib.

Bizimyol.info xəbər verir ki, buna səbəb gecə boyu davam edən təhlükəsizlik məsələləri ilə bağlı uzunmüddətli məsləhətləşmələr olub.

Hökumət başçısı İrandan baş verən qarşılıqlı zərbələrdən sonra təhlükəsizlik qurumlarının rəhbərləri ilə keçirilən ardıcıl iclaslar səbəbindən bir neçə on saat yuxusuz qalıb. Son sutka ərzində İsrail Hərbi Hava Qüvvələri İrana iki dalğa zərbə endirib, İsrail ordusu isə bir neçə gün davam edə biləcək döyüş əməliyyatlarına hazırlığı gücləndirib.

Məhkəmə hakimləri baş nazirin xahişini tam şəkildə qəbul etməyiblər. İclasın 1,5 saat gec başlaması əvəzinə, yalnız 30 dəqiqəlik gecikmə ilə – saat 10:00-da keçirilməsinə icazə verilib.

Xatırladaq ki, bu həftənin əvvəlində Yerusəlim Dairə Məhkəməsinin sədr müavini, hakim Rivka Fridman-Feldman Netanyahunun işi üzrə 10, 14 və 15 iyun tarixlərinə təyin edilmiş üç iclası ləğv etmişdi. Həmçinin 5 iyula planlaşdırılan iclas da təxirə salınmışdı.

Məhkəmə qərarında iclasların “məhkəmələrlə bağlı səbəblərə görə” təqvimdən çıxarıldığı qeyd olunub, lakin əlavə izahat verilməyib.

Bizimyol.info