XəzərXəbər xəbər verir ki, uzun illərdir stomatoloqlar sınmış dişlərin yapışdırılmasını təcrübədən keçirirlər. Lakin mövcud olan yapışqanlar sümükləri birləşdirmək üçün yararlı olmayıb. Onlar gah çox gec donub, gah da immun sistemi tərəfindən qəbul edilməyib. Yeni yapışqan növü əvvəl istifadə olunandan 55 faiz effektlidir.
Yapışqan sümüyə bir neçə qat sürtülür və hətta nəm səthi də tez bir zamanda birləşdirə bilir. Siçovullar üzərində aparılmış bir neçə eksperiment yapışqanın effektiv və təhlükəsiz olduğunu təsdiq edib. Tədqiqatın müəllifləri ən yaxın zamanda insanların iştirakı ilə sınaqlara başlayacaqlarına ümid edirlər.