Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Qadınlar niyə narkoman olur?
Hazırda 14-17 yaşlı 5 uşaq toksikoman kimi qeydiyyatdadır. Amma müşahidələr göstərir ki, narkotik istifadəçiləri və toksikomanların yaşı getdikcə cavanlaşır.

Bunu virtualaz.org saytına açıqlamasında Səhiyyə Nazirliyinin Respublika Narkoloji Mərkəzinin direktor müavini, professor Bilal Əsədov deyib. B.Əsədov qeyd edib ki, narkoman kimi rəsmi qeydiyyata alınanların arasında azyaşlı yoxdur. "Uşaqlar yapışqan, benzin və bu kimi digər zərərli maddələri iyləyirlər. Onlar güclü narkoloji təsir edən dərmanlar qəbul ediblər. Bizim əsas istiqamətimiz profilaktik tədbirlərdir, çünki hər bir xəstəliyin qarşısının alınması onun müalicəsindən daha səmərəlidir", - B.Əsədov əlavə edib.

Direktor müavini deyib ki, Səhiyyə, Təhsil nazirliklərinin, Respublika Narkoloji Mərkəzin təşəbbüsü ilə bütün müəssisələrdə, məsələn, orta məktəblərdə tədbirlər keçirilir: "Çalışırıq ki, şagirdlərə, yeniyetmələrə narkomaniyanın zərərlərini çatdıraq. Bilsinlər ki, narkomaniyaya düçar olmaq asandır, amma bundan müalicə olunmaq çətindir".

Qadınlara gəldikdə isə, B.Əsədov son illər narkotikdən istifadə edən qadınların sayının artdığını təsdiqləyib: "Qadınların bəzisi həyat yoldaşı tərəfindən cəlb edilib, yəni həyat yoldaşı onları bu bəlaya düçar edib. Bəziləri isə stressdən narkotikdən istifadə etdiyini söyləyir".

B.Əsədov əlavə edib ki, narkotik istifadəçiləri arasında cənub bölgəsindən, Bakı və Sumqayıtdan gələnlər üstünlük təşkil edir.

Paylaş »
››› Qadınların qeybə çəkildiyi, uşaqların ac dolaşdığı şəhər - Video
››› Ata Abdullayev kimləri şantaj edib: icra nümayəndəsi, maliyyə direktoru...
››› İlham Əliyevi İranla bağlı açıq danışmağa vadar edən səbəblər
››› 20 qəpiklik maska 50 qəpiyə: Qayğı, yoxsa fürsət...
››› Azərbaycanda son sutkada koronavirusa yoluxanların sayı açıqlandı
››› Bakını yağış suları aparır: 14 il də dözün, düzələcək...
››› Kadırov seçkilərdə dünya rekordu qazanıb
Son xəbərlər
Bütün xəbərlər »