Dəvələr həftələrlə qida və su olmadan yaşaya bilirlər. Dəvələr səhra mühitində uzun müddət suya çıxış olmadan yaşamaq üçün uyğunlaşmalara malikdirlər. Onlar ətraf mühitə uyğunlaşmaqda ustadırlar. Quru şəraitə baxmayaraq sağ qalırlar və kifayət qədər süd istehsalını saxlayırlar. Onlar həmçinin ət mənbəyi kimi xidmət edirlər. Səhrada digər heyvanlar aclıqdan və susuzluqdan ölə bilər, lakin dəvə öz suyu və qidasını özü daşıdığı üçün sağ qalır.

Bir çox insan dəvələrin hürgüclərində su saxladığına inansa da, məşhur inancın əksinə olaraq, əslində yağ saxlayırlar. Dəvənin yeməyi və içkisi belində təxminən 35-40 kq ağırlığında bir yağ hürgücü əmələ gətirir. Başqa sözlə, dəvənin hürgücü səyahəti boyunca istifadə edəcəyi bir yağ anbarıdır. Lakin maraqlısı odur ki, onlar bu yağla su və enerji istehsal edə bilirlər. Susuz qaldıqda, hürgüclərindəki yağ əriyir və yağdakı su molekulları ayrılır və birbaşa qanla qarışır. Bu da onlara dayanmadan və ya susuz şəkildə səhrada gəzməyə davam etməyə imkan verir.

Dəvələrin mədə divarlarında su saxladıqları su qabına bənzər vəzili kisəciklər və ya su kisəcikləri də var. Su mənbəyi tapdıqda bir anda 80-90 litrə qədər su saxlaya bilirlər. Bununla belə, onların hürgücləri uzunmüddətli su qəbulu üçün də vacibdir. Dəvələr hürgücləri sayəsində üç həftə su içmədən yaşaya bilirlər.

Hürgüclərindəki yağ yığılması aclıq dövründə dəvələrin qida ehtiyaclarını ödəyir. Dəvə lazım olduqda iki həftəyə qədər qidasız yaşaya bilir. Dəvələrin hürgüclərində olan yağ toxuması onların sağ qalmasında mühüm rol oynayır.

İradə Cəlil, Bizimyol.info