Bir müddət əvvəl yolumuz Səngəçal karvansarasından düşmüşdü. Karvansaranın indiki vəziyyəti, baxımsızlığı haqqında yazı hazırlamaq istəyirdik. Bu zaman diqqətimi karvansaranın divarlarına yazılan yazılar çəkdi. Bütün tarixi abidələrdə olduğu kimi Səngəçal karvansarasının divarlarında da ziyarətçilər öz izlərini buraxmamağı unutmayıblar. Divarlar cızılıb, yazılıb, qaşınıb. Qısası, ziyarətçilər istədiklərini bu divarlarda əks etdirə biliblər.

Bilirsinizmi ki, divarlara yazı yazmağın psixoloji tərəfləri də varmış. Mütəxəssislərin fikrincə, divarlara yazı yazmaq fərdin əhval-ruhiyyəsini əks etdirə bilər. Məsələn; divara yazı yazmaq sosial mesaj çatdırmaq, qəzəbi ifadə etmək və ya şəxsi kədəri bölüşmək üçün yazıla bilər. Yazı bəzi hallarda mübarizə mexanizmi kimi xidmət edə bilsə də, eyni zamanda insanın özünü qeyri-kafi hiss etməsinə və ya qəzəbini tökməsinə səbəb ola biləcək bir hərəkət də ola bilər.

Mütəxəssislər hesab edir ki, divarlara yazı yazmaq cəmiyyətə, qruplara və ya fərdlərə mesaj çatdırmaq cəhdidir. Bu, ünsiyyət qurmaq və ya eşidilmək ehtiyacından irəli gələ bilər. Yazmaq hərəkəti fərdlərə travmaları və ya güclü emosiyaları ifadə etməyə kömək edə bilər. Bu proses, mənfi emosiyaların strukturlaşdırılmasına və daha yaxşı qavranılmasına imkan verir.

Divarlara yazmaq eyni zamanda psixoloji zorakılıq və ya manipulyasiya forması ola bilər. Bu, xüsusilə fərdin özünü dəyərsiz hiss etməsi və ya qəzəbi boğması üçün istifadə edilə bilər.

Divarlara yazmaq, zərər vermək özlüyündə psixoloji bir xəstəlik deyil. Yaxşı olardı ki, tarixi abidələrin divarlarına zərər verən şəxslər barədə hüquqi ölçü götürülsün.

İradə Cəlil, Bizimyol.info