Qarabağ Gündəm Cəmiyyət Hadisə Siyasət Dünya Sağlamlıq Sosial-İqtisadi
Bakıda 23-cü Dünya Tibbi Hüquq Konqresi keçiriləcək

Dünya Tibbi Hüquq Assosiasiyası (DTHA) iyulun 10-13-də Bakıda 23-cü Dünya Tibbi Hüquq Konqresi (DTHK) keçirəcək.

APA-nın məlumatına görə, assosiasiyanın təsisçilərindən biri və hazırkı prezidenti professor Tomas Noquçi gələn ay Bakıya gələcək.

Tibbi hüquq, bioetika, məhkəmə təbabəti və məhkəmə ekspertizası üzrə dünyanın aparıcı mütəxəssislərinin bilik və təcrübələrini bölüşməsi məqsədilə keçirləcək tədbirin açılış mərasimində əsas məruzəçi ABŞ-nın Konnektikut ştatının Elmi mərkəzinin fəxri rəhbəri, dünyanın ən tanınmış ekspertlərindən biri, Ağ Evdə baş verən məhşur hadisələrin tədqiqatçısı professor Henri Li olacaq.

İ. M. Seçenov adına Birinci Moskva Dövlət Tibb Universitetinin akademikləri, professorları, digər ölkələrin aparıcı universitetlərinin professor-müəllim heyəti 130-dan çox şifahi məruzə və 100-ə yaxın poster təqdimatı edəcəklər.

Konqresin elmi proqramına 275 tezis daxil olunub və iştirak üçün dünyanın 50 ölkəsindən 320-dən çox qonağın qatılması təsdiq olunub.

23-cü DTHK ayrıca elm sahəsi üzrə Bakıda Dünya Konqresi səviyyəsində keçirilən ilk beynəlxalq elmi tədbirdir.

Konqresin əsas mövzusu “Tibbi Hüquq, Bioetika və Multikulturalizm”dir. Əsas mövzunun 4 alt-mövzusu da var. Bunlara Tibbi hüquq və bioetika sahəsində təhsil, Bioetika, din və multikulturalizm, Ətraf mühit və tibbi hüquq və XXI əsrdə tibbi hüququn və məhkəmə təbabətinin perspektivləri daxildir.

Bakı konqresi DTHA üçün tarixi əhəmiyyət kəsb edir. Çünki tədbir assosiasiyanın 50-illik Qızıl Yubiley konqresidir və yarıməsrlik tarixində bu təşkilat postsovet məkanda, Şərqlə Qərbin, Cənubla Şimalın birləşdiyi Avrasiyanın mərkəzində konqresini ilk dəfədir keçirir.

Tibbi hüquq, bioetika və multikulturalizmin inkişafında böyük xidmətlərinə görə Azərbaycanın birinci vitse-prezidenti Mehriban Əliyevaya “WAML 50th GOLDEN ANNIVERSARY AWARD” təltifi və DTHA-nın Fəxri Diplomu təqdim olunacaq.

Paylaş »
››› Türkiyədə dolların məzənnəsi rekord həddə yüksəldi
››› Qarında artıq yağ qatlarından necə qurtulmaq olar...
››› Bəzi məhdudiyyətlər yumşaldılıb - Həftəsonu ictimai nəqliyyat işləyəcək
››› Kənd sakinləri 5G-dən qorxub mobil ötürücü qülləni uçurublar
››› Rusiyanın Qarabağdakı sülhməramlılarının komandanı yenə dəyişib
››› Səfəvi səfillər
››› Paşinyan: “Regional kommunikasiyaların açılmasını son dərəcə vacib hesab edirəm”
Son xəbərlər
Bütün xəbərlər »