Qazaxıstan hakimiyyəti 2025-ci ilin dekabrına qədər Aktau şəhəri yaxınlığında “Azərbaycan Hava Yolları” (AZAL) sərnişin təyyarəsinin qəzaya uğramasının səbəbləri ilə bağlı yekun hesabatı tamamlamalıdır.
Bizimyol.info xəbər verir ki, bu barədə Qazaxıstanın nəqliyyat nazirinin müavini Talqat Lastayev brifinqdə bildirib.
“ICAO-nun (Beynəlxalq Mülki Aviasiya Təşkilatı) tövsiyə olunan təcrübəsinin tələb və standartlarına uyğun olaraq - bir il araşdırma aparacaq. Müvafiq olaraq, bu ilin dekabr ayına qədər istintaqla bağlı yekun hesabat hazırlanmalıdır”, - deyə Lastayev Aktau yaxınlığında qəzaya uğrayan təyyarənin təhqiqatının müddəti ilə bağlı sualı cavablandırarkən qeyd edib.
Qadir, Bizimyol.info
