Rabitə rəhbəri Fahrettin Altun, prezident Ərdoğanın 10-13 fevral 2025-ci il tarixlərində Malayziya, İndoneziya və Pakistana rəsmi səfər edəcəyini açıqlayıb.
Bizimyol.info xəbər verir ki, bu barədə Altun "X" hesabında açıqlamasına verib.
"Prezidentimiz cənab Rəcəb Tayyib Ərdoğan dəvətlərə cavab olaraq 10-13 fevral 2025-ci il tarixlərində Malayziya, İndoneziya və Pakistana rəsmi səfərlər edəcək.
Səfərlər çərçivəsində keçirilən görüşlərdə adıçəkilən ölkələrlə ikitərəfli əlaqələrimiz bütün aspektləri ilə nəzərdən keçiriləcək və mövcud işgüzar tərəfdaşlıqların konkret layihələrlə davam etdirilməsi üçün birgə addımlar müəyyən ediləcək.
Prezidentimiz hərtərəfli strateji tərəfdaşımız olan Malayziyaya səfərlərindən sonra həmkarları ilə birlikdə İndoneziya və Pakistanda keçiriləcək Yüksək Səviyyəli Strateji Əməkdaşlıq Şurasının iclaslarına sədrlik edəcək.
Prezidentin müxtəlif sahələrdə ikitərəfli sazişlərin imzalanacağı ölkələrə səfəri və ikitərəfli sazişin möhkəmləndirilməsi məqsədilə işgüzar dairələrin bir araya gəlməsi nəzərdə tutulur.
Görüşlərdə həmçinin Qəzza başda olmaqla aktual regional və qlobal problemlər ətrafında fikir mübadiləsi aparılacaq.
Bizimyol.info
— Fahrettin Altun (@fahrettinaltun) February 8, 2025
