15 dəqiqə müddətində yolu bağlamış yataqxana sakinləri ilə o saatda evlərinə getmək istəyən, lakin yol bağlandığı üçün gecikən adamlar arasında gərginlik yaşanıb. Yasamal rayon 28 saylı polis bölməsinin əməkdaşları hadisəyə müdaxilə ediblər. Polislər aksiya iştirakçılarından dağılmağı xahiş edərək onların problemlərinin həllinə kömək edəcəklərini bildiriblər. Aspirantlar yataqxanasının sakinləri Yasamal Rayon İcra başçısı ilə görüşmək istədiklərini bilidirblər və polislər bu görüşün təşkil olunacaqlarını vəd etdikdən sonra aksiya dağılıb.
Bu gün Yasama rayon icra başçsı Elmlər Akademiyasının Aspirantlar yataqxanasının sakinlərini qəbul edərək onların problemləri ilə dərindən maraqlanacağını, lakin bunun üçün vətəndaşların seçkilərdən sonra gəlmələrini söyləyib.
Qeyd edək ki, Elmlər Akademiyasının Aspirantlar Yataqxanasının sakinləri tikinti şirkəti ilə AMEA arasına yaranmış anlaşılmazlıq səbəbi ilə əllərində müqavilə olmasına baxmayaraq, köçməli olduqları mənzilllərə köçə bilmirlər və evsiz qalmaq qorxusu yaşayırlar. Bu qalmaqal artıq uzun müddətdir davam edir. Yataqxana sakinləri dəfələrlə müxəlif qurumlara müraciət etsələr də problem həllini tapmayıb.
İlhamə Rəsulova
